പൊള്ളുന്ന ചൂട്: കോട്ടയമുൾപ്പെടെ വിവിധ ജില്ലകളിൽ താപനില 39 ഡിഗ്രി വരെ ഉയരുമെന്ന് മുന്നറിയിപ്പ്; ജാഗ്രതാ നിദ്ദേശം
സംസ്ഥാനത്ത് ഇന്നും വിവിധ ജില്ലകളില് താപനിലയില് വന് വര്ദ്ധനവിന് സാദ്ധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കുന്നു.കോട്ടയം കോഴിക്കോട് ജില്ലകളില് രണ്ട് മുതല് മൂന്ന് ഡിഗ്രി വരെ താപനില ഉയര്ന്ന് 37ഡിഗ്രി വരെ പരമാവധി താപനില എത്താം. തൃശൂര്, കണ്ണൂര്, പാലക്കാട് ജില്ലകളില് മൂന്ന് മുതല് നാല് ഡിഗ്രി വരെ താപനില ഉയര്ന്ന് 39 ഡിഗ്രി വരെ എത്തുമെന്നും മുന്നറിയിപ്പുണ്ട്. വേനല്ചൂട് വര്ദ്ധിക്കുന്ന സാഹചര്യത്തില് പകല് 11നും മൂന്നിനുമിടയില് നേരിട്ട് സൂര്യപ്രകാശം ഏല്ക്കുന്നത് ഒഴിവാക്കണമെന്നാണ് സംസ്ഥാന ദുരന്ത നിവാരണ അതോറിറ്രിയുടെ മുന്നറിയിപ്പ്.
ജാഗ്രതാ നിര്ദ്ദേശങ്ങള്
1.പകല് 11 മുതല് 3 വരെയുള്ള സമയത്ത് നേരിട്ട് ശരീരത്തില് കൂടുതല് സമയം തുടര്ച്ചയായി സൂര്യപ്രകാശം എല്ക്കുന്നത് ഒഴിവാക്കുക.
2. നിര്ജലീകരണം തടയാന് കുടിവെള്ളം കരുതുക.
3. പരമാവധി ശുദ്ധജലം കുടിക്കുക. ദാഹമില്ലെങ്കിലും വെള്ളം കുടിക്കുന്നത് തുടരുക.
4. മദ്യം, കാപ്പി, ചായ, കാര്ബണേറ്റഡ് സോഫ്റ്റ് ഡ്രിങ്കുകള് തുടങ്ങിയ പാനീയങ്ങള് പകല്സമയത്ത് ഒഴിവാക്കുക.
5.അയഞ്ഞ, ഇളം നിറത്തിലുള്ള പരുത്തി വസ്ത്രങ്ങള് ധരിക്കുക.
6. പുറത്തിറങ്ങുമ്ബോള് പാദരക്ഷകള് ധരിക്കുക. കുടയോ തൊപ്പിയോ ഉപയോഗിക്കുന്നത് ഉചിതമാണ്.
7. അങ്കണവാടി കുട്ടികള്ക്ക് ചൂട് ഏല്ക്കാത്ത തരത്തിലുള്ള സംവിധാനം നടപ്പാക്കാന് അതാത് പഞ്ചായത്ത് അധികൃതരും അംഗനവാടി ജീവനക്കാരും പ്രത്യേകം ശ്രദ്ധിക്കണം.
8.പ്രായമായവര്, ഗര്ഭിണികള്, കുട്ടികള്, ഭിന്നശേഷിക്കാര്, മറ്റ് രോഗങ്ങള് മൂലമുള്ള അവശത അനുഭവിക്കുന്നവര് തുടങ്ങിയ വിഭാഗങ്ങള് പകല് 11 മണി മുതല് 3 മണി വരെ നേരിട്ട് സൂര്യപ്രകാശം ഏല്ക്കാതെയിരിക്കാന് പ്രത്യേകം ശ്രദ്ധിക്കണം.
9. ഇരുചക്ര വാഹനങ്ങളില് ഓണ്ലൈന് ഭക്ഷണ വിതരണം നടത്തുന്നവരുടെ സുരക്ഷിതത്വം സ്ഥാപനങ്ങള് ഉറപ്പുവരുത്തേണം..
10. ഉച്ചവെയിലില് കന്നുകാലികളെ മേയാന് വിടുന്നതും മറ്റ് വളര്ത്തുമൃഗങ്ങളെ വെയിലത്ത് കെട്ടിയിടുന്നതും ഒഴിവാക്കണം.
11. മൃഗങ്ങള്ക്കും പക്ഷികള്ക്കും ജല ലഭ്യത ഉറപ്പാക്കുക
