‘ഓരോ വലിയിലും വിഷം’; ആ​രോ​ഗ്യ മു​ന്ന​റി​യി​പ്പുമായി കാനഡ

ടൊ​റ​ന്‍റോ: ഓരോ സിഗരറ്റിലും ആരോഗ്യ മുന്നറിയിപ്പ് രേഖപ്പെടുത്തുന്ന ആദ്യ രാജ്യമായി മാറാൻ കാനഡ. കനേഡിയൻ സർക്കാർ പുകയില ഉൽപ്പന്നങ്ങളുടെ പാക്കറ്റുകളിൽ ഗ്രാഫിക് ഫോട്ടോ മുന്നറിയിപ്പുകൾ ഉൾപ്പെടുത്തുന്നത് നിർബന്ധമാക്കി. ഇത്തരം സന്ദേശങ്ങളുടെ പുതുമയും സ്വാധീനവും കുറയുന്നതിനെക്കുറിച്ചുള്ള ആശങ്കകൾ കണക്കിലെടുത്താണ് ഈ തീരുമാനമെന്ന് മാനസികാരോഗ്യ മന്ത്രി കരോളിൻ ബെന്നറ്റ് പറഞ്ഞു.

ഓരോ സിഗരറ്റിലും അച്ചടിക്കുന്ന സന്ദേശങ്ങളിൽ ഒരു മാറ്റം ഉണ്ടാകാമെങ്കിലും, നിലവിലെ നിർദ്ദേശം ‘ഓ​രോ വ​ലി​യി​ലും വിഷം’ എന്നായിരിക്കും. 2023 ഓടെ മാറ്റങ്ങൾ കൊണ്ടുവരാൻ കഴിയുമെന്നാണ് സർക്കാർ പ്രതീക്ഷിക്കുന്നത്. ജനസംഖ്യയുടെ ഏകദേശം 10 ശതമാനം സ്ഥിരം പുകവലിക്കുന്നവരാണ്. 2035 ഓടെ ഈ നിരക്ക് പകുതിയായി കുറയ്ക്കാനാണ് സർക്കാർ ശ്രമിക്കുന്നത്.