തേനി ജില്ലയിൽ കനത്ത മഴ:
ജില്ലാ കലക്ടർ മുന്നറിയിപ്പ് നല്കി
ഉത്തമപാളയം: തേനി ജില്ലയിൽ കനത്ത മഴ. ഇന്ന് രാവിലെ മുതൽ ശക്തമായ മഴ തുടരുകയാണ്.ഇതുമൂലം റോഡുകളിൽ മഴവെള്ളം കയറുകയും പെരിയകുളം, മധുര, പഴയ ബസ് സ്റ്റേഷൻ ഉൾപ്പെടെയുള്ള പ്രധാന റോഡുകളിൽ ഗതാഗതക്കുരുക്കുണ്ടായി.
മഴയെ തുടർന്ന് തേനി, വീരപാണ്ടി, ബോഡി, പെരിയകുളം തുടങ്ങി ജില്ലയുടെ വിവിധ ഭാഗങ്ങളിൽ ചൂടിന് ശമനം വന്നതും തണുത്ത കാലാവസ്ഥയും ഉണ്ടായത് ആശ്വസമായിട്ടുണ്ട്.
ഉത്തമപാളയം, കോമ്പൈയ്, അനുമന്തൻപ്പെട്ടി, കെ. പുതുപ്പെട്ടി പ്രദേശങ്ങളിൽ മഴയെ ആശ്രയിച്ചുള്ള കൃഷികൾക്കായി നിലം ഉഴുതലും നടക്കുന്നു.
അതെ സമയം ഇന്ന് അതിശക്തമായ മഴയ്ക്ക് സാധ്യതയുള്ളതിനാൽ പൊതുജനങ്ങൾ സുരക്ഷിതരായിരിക്കണമെന്ന് ജില്ലാ കളക്ടർ ആർ.വി. ഷാജിവന മുന്നറിയിപ്പ് നല്കി.
മഴയുള്ളപ്പോൾ മരങ്ങൾക്കും വൈദ്യുത തൂണുകൾക്കും സമീപം നിൽക്കരുത്. നദികളിൽ വെള്ളപ്പൊക്ക സാധ്യതയുള്ളതിനാൽ ആ പ്രദേശങ്ങളിലേക്ക് പോകരുതെന്ന് അദ്ദേഹം ആവശ്യപ്പെട്ടു.
