കാട്ടാനയെ മയക്കുവെടി വെക്കാനുള്ള ഉത്തരവ് വൈകിയതില്‍ വിശദീകരണം തേടി മന്ത്രി എ കെ ശശീന്ദ്രന്‍
വയനാട്: ബത്തേരിയിലിറങ്ങിയ കാട്ടാനയെ മയക്കുവെടി വെക്കാനുള്ള ഉത്തരവ് വൈകിയതില്‍ വിശദീകരണം തേടി മന്ത്രി എ കെ ശശീന്ദ്രന്‍.ചീഫ് വൈല്‍ഡ് ലൈഫ് വാര്‍ഡനോടാണ് മന്ത്രി വിശദീകരണം തേടിയിരിക്കുന്നത്. ഉന്നത ഉദ്യോഗസ്ഥര്‍ ഇത്തരം നിലപാട് സ്വീകരിക്കുന്നത് അംഗീകരിക്കാനാവില്ല. മറുപടി തൃപ്തികരമല്ലെങ്കില്‍ തുടര്‍നടപടിയുണ്ടാവുമെന്നും ശശീന്ദ്രന്‍ പറഞ്ഞു. ബത്തേരിയില്‍ കാട്ടാനയിറങ്ങിയത് കൈകാര്യം ചെയ്യുന്നതില്‍ ഗുരുതര വീഴ്ച്ചയുണ്ടായെന്ന് ചൂണ്ടിക്കാട്ടി ഇന്നലെ ചീഫ് വൈല്‍ഡ് ലൈഫ് വാര്ഡന് കാരണം സംസ്ഥാന സര്‍ക്കാര്‍ കാണിക്കല്‍ നോട്ടീസ് നല്‍കിയിരുന്നു.ആനയെ അടിയന്തരമായി മയക്കുവെടിവച്ച്‌ പിടികൂടാന്‍ വനം വകുപ്പ് മന്ത്രി നിര്‍ദേശം നല്‍കിയിട്ടും ഗംഗാ സിങ്ങ് നടപടി കൈക്കൊള്ളുന്നില്ലെന്നാണ് വിലയിരുത്തല്‍. ബത്തേരിയിലിറങ്ങിയ ആളെ കൊല്ലിയായ കാട്ടാനയെ മയക്കുവെടിവച്ച്‌ പിടികൂടാനുള്ള ഉത്തരവ് വൈകിയതില്‍ ഇന്നലെ വ്യാപക പ്രതിഷേധം ഉയര്‍‍ന്നിരുന്നു. വനം വകുപ്പ് ഓഫീസ് ഐ സി ബാലകൃഷ്ണന്‍ എം എല്‍ എയുടെ നേതൃത്വത്തില്‍ ഉപരോധിച്ചു. ഇതിന് പിന്നാലെയാണ് ചീഫ് വൈല്‍ഡ് ലൈഫ് വാര്ഡന് ഗംഗാ സിങ്ങിന് സംസ്ഥാന സര്‍ക്കാര്‍ കാരണം കാണിക്കല്‍ നോട്ടീസ് നല്‍കിയത്.
