സായുധസേനാ പതാക വിതരണ ഉദ്ഘാടനവുംസെമിനാറും ഡിസംബര്‍ 7 ന്
ജില്ലാ സൈനികക്ഷേമ ഓഫീസിന്റെ നേതൃത്വത്തില്‍ സായുധസേനാ പതാക വിതരണ ഉദ്ഘാടനവും വിമുക്തഭടന്മാര്‍ക്കുള്ള ബോധവല്‍ക്കരണ സെമിനാറും ഡിസംബര്‍ 7 ന് കട്ടപ്പന മുന്‍സിപ്പല്‍ ടൗണ്‍ഹാളില്‍ നടക്കും. കട്ടപ്പന മുന്‍സിപ്പല്‍ ചെയര്‍പെഴ്‌സണ്‍ ഷൈനി സണ്ണി ചെറിയാന്‍ രാവിലെ 10.30 ന് പരിപാടി ഉദ്ഘാടനം ചെയ്യും. ഇടുക്കി സബ് കളക്ടര്‍ അരുണ്‍ എസ്. നായര്‍ അധ്യക്ഷത വഹിക്കും.
ജില്ലാ സൈനിക ക്ഷേമ ഓഫീസര്‍ എ. കിഷന്‍, ജില്ലാ സൈനിക ബോര്‍ഡ് വൈസ് പ്രസിഡന്റ് ശിവരാമന്‍ എം.പി, അഖില ഭാരതീയ പൂര്‍വ്വ സൈനിക് സേവ പരിഷത്ത് ജില്ലാ പ്രസിഡന്റ് ഹരി സി. ശേഖര്‍, കേരളാ സ്റ്റേറ്റ് എക്‌സ് സര്‍വ്വീസസ് ലീഗ് ജില്ലാ പ്രസിഡണ്ട് ഐസക് പി. സി, കേരളാ പ്രദേശ് എക്‌സ് സര്‍വ്വീസ്‌മെന്‍ കോണ്‍ഗ്രസ് ജില്ലാ പ്രസിഡന്റ് റജി ജി. നായര്‍ തുടങ്ങിയവര്‍ പങ്കെടുക്കും. തുടര്‍ന്ന് ഡിജിറ്റല്‍ ബാങ്കിങ്, സ്പര്‍ശ് എന്നിവയെക്കുറിച്ച് ബോധവത്കരണ ക്ലാസ് നടക്കും.
