Idukki വാര്ത്തകള്കേരള ന്യൂസ്പ്രധാന വാര്ത്തകള്പ്രാദേശിക വാർത്തകൾ
കൂടത്തായി കേസ്; ജോളി ജോസഫിന്റെ ജാമ്യാപേക്ഷ തള്ളി
![](/wp-content/uploads/2024/01/IMG-20240130-WA0068.jpg)
![](/wp-content/uploads/2024/01/Banner-min-1.jpg)
കൊച്ചി: കൂടത്തായി കേസില് പ്രതി ജോളി ജോസഫിന്റെ ജാമ്യാപേക്ഷ ഹൈക്കോടതി തള്ളി. ജസ്റ്റിസ് സി എസ് ഡയസിന്റെതാണ് നടപടി. കേസില് ശാസ്ത്രീയ തെളിവുകളുടെ അഭാവമുള്ളതിനാല് തനിക്കെതിരായ ആരോപണങ്ങള് നിലനില്ക്കില്ലെന്ന് ചൂണ്ടികാട്ടിയാണ് ജോളി ഹൈക്കോടതിയെ സമീപിച്ചത്. കേസില് ശാസ്ത്രീയ തെളിവുകള് ഹൈദരാബാദ് ഫോറന്സിക്ക് ലാബില് നിന്നും ഇനിയും ഹാജരാക്കാന് പ്രോസിക്യൂഷന് കഴിഞ്ഞിട്ടില്ല. ഈ സാഹചര്യത്തിലായിരുന്നു ജോളിയുടെ ജാമ്യ ആവശ്യം. സ്ത്രീ എന്ന യാതൊരു പരിഗണനയും അര്ഹിക്കാത്ത കുറ്റകൃത്യം ചെയ്ത പ്രതിയാണ് ജോളി എന്നാണ് പ്രോസിക്യൂഷന്റെ വാദം. ഹീനകുറ്റകൃത്യം നടത്തിയ ജോളിക്കെതിരായ എല്ലാ കേസുകളുടേയും വിചാരണ കോഴിക്കോട് പ്രത്യേക കോടതിയില് പുരോഗമിക്കുകയാണ്. ഈ ഘട്ടത്തില് ജോളിക്ക് ജാമ്യം നല്കരുതെന്നുമാണ് പ്രോസിക്യൂഷന് എതിര് വാദമുയര്ത്തിയത്.