പല്ലാരിമംഗലം പഞ്ചായത്തിൽ പോത്തുകുട്ടികൾ വിതരണം ചെയ്തു

പല്ലാരിമംഗലം ഗ്രാമപഞ്ചായത്ത് 2023 – 2024 വാർഷിക പദ്ധതിയിൽ ഉൾപ്പെടുത്തി നടത്തിയ പോത്തുകുട്ടി വിതരണം പഞ്ചായത്ത് വൈസ്പ്രസിഡന്റ്
ഒ ഇ അബ്ബാസ് ഉദ്ഘാടനം ചെയ്തു. ഒരുവാർഡിൽ നാല് വീതം എന്നനിലക്ക് 52 കുടുംബങ്ങൾക്കാണ് പോത്തുകുട്ടികളെ നൽകിയത്. 260000 രൂപയാണ് ഇതിനായി പദ്ധതിയിൽ വകയിരുത്തിയത്. ഉദ്ഘാടന ചടങ്ങിൽ വാർഡ് മെമ്പർ എ എ രമണൻ അദ്ധ്യക്ഷത വഹിച്ചു. പഞ്ചായത്തംഗങ്ങളായ കെ എം മൈതീൻ, ആഷിത അൻസാരി, ഷിബി ബോബൻ, വെറ്റിനറി ഡോക്ടർ റസീന കരിം, ലൈവ്സ്റ്റോക്ക് അസിസ്റ്റന്റ് എൻ പി ഷാജഹാൻ, എം എം ബക്കർ, കെ കെ സെയ്ത്, എം എം നസീർ എന്നിവർ പ്രസംഗിച്ചു.