കാഞ്ഞിരപ്പള്ളി രൂപതാ ബൈബിൾ കൺവെൻഷൻ കൃപാഭിഷേകം 2025 ഡിസംബർ 10 മുതൽ 14 വരെ

ദൈവത്തിന്റെ സമയം രക്ഷയുടെ സമയമാണ്. ചരിത്രത്തിൽ ഒരിക്കൽ മാത്രം സംഭവിച്ച രക്ഷയുടെ സമയം. ആ സമയത്തിന്റെ മഹാ ജൂബിലീയാണ് 2025 ൽ നാം ആഘോഷിക്കുന്നത് എന്ന് കഞ്ഞിരപ്പള്ളി രൂപത മെത്രാൻ മാർ ജോസ് പുളിക്കൽ. കട്ടപ്പന സെന്റ് ജോർജ് ഫെറോനാ ദൈവാലയത്തിൽ നടക്കുന്ന
കാഞ്ഞിരപ്പള്ളി രൂപത ബൈബിൾ കൺവെൻഷൻ ‘കൃപാഭിഷേകം’2025  ഉൽഘാടനം ചെയ്തു സംസാരിക്കുകയായിരുന്നു അദ്ദേഹം.
കാഞ്ഞിരപ്പള്ളി രൂപതയുടെ ആഭിമുഖ്യത്തിൽ
2025 ഡിസംബർ 10 ബുധൻ
മുതൽ 14 ഞായർ വരെ
വൈകുന്നേരം 4 മുതൽ രാത്രി 9 വരെ  കട്ടപ്പന സെന്റ് ജോർജ് ഫെറോനാ ദൈവാലയത്തിലാണ്  കൃപാഭിഷേകം ബൈബിൾ കൺവെൻഷൻ നടക്കുന്നത്.
ഉണ്ണിയേശുവിന്റെ  പിറവിയെ അനുസ്മരിക്കുന്ന ക്രിസ് മസിനു മുന്നോടിയായി  നടത്തുന്ന ബൈബിൾ കൺവെൻഷനിൽ ജില്ലയുടെ വിവിധ ഭാഗങ്ങളിൽ നിന്നായി പതിനായിരത്തിലേറെ വിശ്വാസികൾ പങ്കെടുക്കും.
അന്തർദേശീയ ബൈബിൾ പ്രഘോഷകനും വിടുതൽ ശുശ്രുഷകനുമായ
റവ. ഫാ. ഡോമിനിക് വളന്മനാൽ ആണ്‌ കൺവെൻഷന് നേതൃത്വം നൽകുന്നത്. ഇന്നലെ വൈകുന്നേരം കാഞ്ഞിരപ്പള്ളി  രൂപതമെത്രാൻ മാർ ജോസ് പുളിക്കൽ പിതാവിന്റെ മുഖ്യകർമികത്യത്തിൽ,ഫാ. മാത്യു കല്ലറക്കൽ, ഫാ. ഡോമിനിക് കാഞ്ഞിരത്തിനാൽ
ഫാ. ജോമം പാറക്കൽ,  ഫാ.  ജേക്കബ് ചാത്തനാട്ടു എന്നിവർ സഹ കാർമ്മികരായി  ആഘോഷമായ വിശുദ്ധ കുർബാന നടന്നു.തുടർന്ന്  രൂപതാദ്ധ്യക്ഷൻ അൾത്താരയിൽ ബൈബിൾ   പ്രതിഷ്ഠിച്ചു തിരിതെളിച്ചു കൺവെൻഷൻ ഉൽഘാടനം ചെയ്തു.
തുടർന്ന്  അണക്കര മരിയൻ ധ്യാന കേന്ദ്രം ഡയറക്ടർ റവ.ഫാ.ഡോമിനിക് വാളന്മനാൽ    വചന പ്രഘോഷണവും ദിവ്യ കാരുണ്യ ആരാധനയും വിടുതൽ ശുശ്രുഷയും നടത്തി.
കൺവെൻഷന്റെ രണ്ടാം ദിനമായ 11 ന് വൈകുന്നേരം 4.30 ന് കാഞ്ഞിരപ്പള്ളി രൂപത വികാരി ജനറാൾ ഫാ. ജോസഫ് വെള്ളമറ്റം മുഖ്യ കർമ്മികനും, ഫാ. ജേക്കബ് പീടികയിൽ, ഫാ. ഫിലിപ്പ് വട്ടയത്തിൽ സഹ കർമ്മികരയും വിശുദ്ധ കുർബാന അർപ്പണം നടക്കും. മുന്നാം ദിവസം വൈകുന്നേരം 4.30 ന് ഇടുക്കി രൂപത വികാരി ജനറാൾ ഫാ. എബ്രഹാം പുറയാറ്റ് മുഖ്യ കാർ മ്മികനും, ഫാ. സഖറിയാസ് കുമ്മണ്ണുപറമ്പിൽ, ഫാ. ജോസ് മോൻ കൊച്ചുപുത്തൻപുരക്കൽ എന്നിവർ സഹകാർമ്മികരുമായി വിശുദ്ധ   കുർബാനഅർപ്പണം   നടക്കും. മുന്നാം ദിനം വൈകുന്നേരം 4.30 ന് കട്ടപ്പന ഫെറോന വികാരി ഫാ ജോസ് മംഗലത്തിൽ മുഖ്യ കർമ്മികനും, ഫാ.ആന്റണി പാലാ പുളിക്കൽ, ഫാ. കുര്യാക്കോസ് വടക്കേടത്ത്,എന്നിവർ സഹകർമ്മികരു രുമായി വിശുദ്ധ കുർബാനഅർപ്പണം നടക്കും.
കൺവെൻഷൻ ദിവസങ്ങളിൽ കുമ്പസാരത്തിനും, സ്പിരിച്ചൽ ഷെയറിങ്ങിനും പ്രത്യേക സൗകര്യം ക്രമീകരിച്ചിട്ടുണ്ട്.
കൺവെൻഷന്റെ നടത്തിപ്പിനായി 301 അംഗ സംഘാടക സമിതി രൂപീകരിച്ചു പ്രവർത്തനങ്ങൾ നടന്നു വരുന്നു. കാഞ്ഞിരപള്ളി രൂപതയിലെ വിവിധ ഇടവകകളിൽ  നിന്നും, കുമിളി, തോപ്രാംകുടി, ഇടുക്കി, ചെറുതോണി,  നെടുങ്കണ്ടം, ഇരട്ടയാർ, ഉപ്പുതറ, വലിയ തോവാള, വാഴവര, കുട്ടിക്കാനം തുടങ്ങിയ പ്രദേശങ്ങളിലെ   ലത്തീൻ , സീറോ മലബാർ,  മലങ്കര തുടങ്ങിയ   വിവിധ റീത്തുകളിലെ   ഇടവകകളിൽനിന്നുമായി എത്തുന്ന   ആളുകൾക്ക് പങ്കെടുക്കാവുന്നരീതിയിൽ  വിപുലമായ പന്തലും സ്റ്റേജും, വെളിച്ച, ശബ്ദ അനുബന്ധ സൗകര്യങ്ങളുമാണ് കട്ടപ്പനയിൽ ക്രമീകരിച്ചിരിക്കുന്നത് . കൺവെൻഷനിൽ പങ്കെടുക്കുവാൻ എത്തുന്ന  രോഗികൾക്ക്  ±പ്രത്യേക ഇരിപ്പിട  സൗകര്യങ്ങൾ ഒരുക്കിയിട്ടുണ്ട്.
കൺവെൻഷൻ ദിനങ്ങളിലെ സുരക്ഷക്കും ട്രാഫിക് നിയന്ത്രണത്തിനും കട്ടപ്പന ഡി വൈ എസ് പി  വി. എ. നിഷാദ്മോന്റെ നേതൃത്യത്തിൽ പോലീസ് വിപുലമായ ക്രമീകരണങ്ങൾ  ഒരുക്കിയിട്ടുണ്ടെന്ന് ജനറൾ കൺവീനർ ഫാ ജോസ് മംഗലത്തിൽ, കൺവീനർ ഫാ. കുര്യാക്കോസ് വടക്കേടത്ത്, ഫാ. മജു നിരവത്ത്, ഫാ അനൂപ്  കരിങ്ങാട്, ഫാ ജോർജ് പുല്ലാന്തനാൽ,  ഫാ. ഇമ്മാനുൽ മടുക്കക്കുഴി തുടങ്ങിയവർ നേതൃത്വം. നൽകി.