ക്രൈസ്തവരുടെ വിശുദ്ധ വാരത്തിൽ ദുഃഖവെള്ളിക്ക് തൊട്ട് മുമ്പുള്ള വ്യാഴാഴ്ചയാണ് പെസഹാ വ്യാഴം

കുരിശുമരണം വരിക്കുന്നതിനു മുൻപായി യേശു തന്റെ ശിഷ്യന്മാരുടെ ഒപ്പം അവസാനമായി കഴിച്ച അത്താഴത്തിന്റെയും അതിനു മുൻപായി അദ്ദേഹം അവരുടെ കാലുകൾ കഴുകിയതിന്റെയും ഓർമ്മ പുതുക്കലായാണ് ഈ ദിനം ആചരിക്കപ്പെടുന്നത്.

ഈ ദിവസം ദേവാലയങ്ങളിൽ വിശുദ്ധ കുർബാനയ്ക്കു പുറമേ പ്രത്യേക പ്രാർത്ഥനകളും കാൽ കഴുകൽ ശുശ്രൂഷയും നടന്നു.
വീടുകളിൽ പെസഹാ അപ്പം മുറിക്കുന്ന ചടങ്ങുകളും പ്രത്യേക പ്രാർത്ഥനകളും നടക്കും. പണിക്കൻകുടി സെൻ്റ്. ജോൺ മരിയാ വിയാനി പള്ളിയിൽ നടന്ന തിരുക്കർമ്മങ്ങൾക്ക് ഇടവകവികാരി ഫാ. ടോമി ആനിക്കുഴിക്കാട്ടിൽ സഹവികാരി ഫാ. നിർമ്മൽ എന്നിവർ നേതൃത്വം നൽകി