നാട്ടുവാര്‍ത്തകള്‍
നെറ്റ് വര്‍ക്ക് പ്രശ്‌നം പരിഹരിക്കണമെന്നാവശ്യപ്പെട്ട് നെടുംകണ്ടം ബി.എസ്.എന്‍.എല്‍ ഓഫീസിനു മുന്‍പില്‍ സമരം
നെടുങ്കണ്ടം: ജില്ലയിലെ നെറ്റ്വര്‍ക്ക് പ്രശ്‌നങ്ങള്‍ പരിഹരിക്കണമെന്നാവശ്യപ്പെട്ട് കെ.എസ്.യു, യൂത്ത് കോണ്‍ഗ്രസ് പ്രവര്‍ത്തകര്‍ നെടുംകണ്ടം ബി.എസ്.എന്‍.എല്‍ ഓഫീസിനു മുന്‍പില്‍ സമരം നടത്തി. റേഞ്ചിന്റെ പ്രശ്‌നം കാരണം ധാരാളം വിദ്യാര്‍ഥികള്‍ ഓണ്‍ലൈന്‍ വിദ്യാഭ്യാസം നടത്താന്‍ ബുദ്ധിമുട്ട് അനുഭവിക്കുന്ന സാഹചര്യമാണ് നിലവിലുള്ളത്. പ്രശ്‌നം ഉടന്‍ പരിഹരിക്കണമെന്ന് സമരം ഉദ്ഘാടനം ചെയ്തുകൊണ്ട് കെ.പി.സി.സി. സെക്രട്ടറി എം.എന്‍. ഗോപി ആവശ്യപ്പെട്ടു. യൂത്ത് കോണ്‍ഗ്രസ് ജില്ലാ കമ്മിറ്റി അംഗം കെ.കെ. രതീഷ്, കെ.എസ്.യു. ജില്ലാ സെക്രട്ടറി ജിതിന്‍ ഉപ്പുമാക്കല്‍, യൂത്ത് കോണ്‍ഗ്രസ് മണ്ഡലം പ്രസിഡന്റമാരായ മെല്‍ബിന്‍ ജോയ്, ബാലകൃഷ്ണന്‍, ജോമേഷ് തങ്കപ്പന്‍, ജിത്ത് ഡോണ്‍ അലക്‌സ് തുടങ്ങിയവര്‍ പങ്കെടുത്തു.
