നാട്ടുവാര്‍ത്തകള്‍
ആംബുലന്‍സ് ഡ്രൈവറെ ആക്രമിച്ചതായി പരാതി
നെടുങ്കണ്ടം: പഞ്ചായത്തിന്റെ ആംബുലന്‍സ് ഡ്രൈവറെ ആക്രമിച്ചതായി പരാതി. ഞായറാഴ്ച രാത്രിയിലാണ് ആംബുലന്‍സ് ഡ്രൈവറായ താന്നിമുട് സ്വദേശി വിഷ്ണു വിജയനു നേരെ ആക്രമണം നടന്നത്. നെടുങ്കണ്ടം കിഴക്കേകവലയില്‍ ആംബുലന്‍സ് തടഞ്ഞിട്ട് വിഷ്ണുവിനെ ഒരു സംഘമാളുകള്‍ മര്‍ദ്ദിക്കുകയായിരുന്നു. പരുക്കേറ്റ വിഷ്ണു നെടുങ്കണ്ടം താലൂക്ക് ആശുപത്രിയില്‍ ചികിത്സ തേടി. സംഭവത്തെക്കുറിച്ച് ണടുങ്കണ്ടം പോലീസ് അനേ്വഷണം ആരംഭിച്ചു. ആക്രമണം നടത്തിയ സംഘത്തെക്കുറിച്ച് വിവരം ലഭിച്ചതായും നെടുങ്കണ്ടം പോലീസ് അറിയിച്ചു.
