കട്ടപ്പന പള്ളിക്കവലയിൽ ഉണ്ടായ വാഹനപകടത്തിൽ യുവാക്കൾക്ക് പരിക്ക്, ശനിയാഴ്ച്ച അർദ്ധരാത്രിയിലാണ് അപകടം നടന്നത്. അപകടം കൺമുന്നിൽ കണ്ടിട്ടും പൊലീസ് തിരിഞ്ഞ് നോക്കാതെ പോയതായി ആക്ഷേപം

കട്ടപ്പന പള്ളികവലയിൽ ഉണ്ടായ വാഹനാപകടത്തിൽ യുവാക്കൾക്ക് പരിക്ക്, ശനിയാഴ്ച്ച അർദ്ധരാത്രിയിലാണ് അപകടം നടന്നത്.നരിയമ്പാറ സ്വദേശിയും സുഹൃത്തും സഞ്ചരിച്ച ബൈക്കിലേക്ക് എതിർദിശയിൽ നിന്ന് വന്ന പിക്ക് അപ്പ്‌ വാൻ ഇടിക്കുകയായിരുന്നു.ഇടിയുടെ ആഘാതത്തിൽ ബൈക്ക് യാത്രികരിൽ ഒരാൾ അഞ്ചടിയോളം ഉയർന്ന് സമീപത്തെ ഹോട്ടലിന്റെ ബോർഡിന് മുകളിൽ ഇടിച്ചാണ് നിലത്ത് വീണത്.പരിക്കേറ്റവരെ വഴിയാത്രക്കാരാണ് ആശുപത്രിയിൽ എത്തിച്ചത്. അപകട സമയം ഇതുവഴി പൊലീസ് വാഹനമെത്തിയെങ്കിലും ഇറങ്ങി നോക്കുകയോ പരിക്കേറ്റവരെ ആശുപത്രിയിൽ എത്തിക്കുന്നതിനോ തയ്യാറായില്ല.സ്വകാര്യ ആശുപത്രിയിൽ ചികിത്സയിൽ കഴിയുന്ന ഇരുവർക്കും സാരമായ പരിക്കേറ്റിട്ടുണ്ട്.