പ്രധാന വാര്‍ത്തകള്‍
പൊതുനിരത്തിൽ മാത്രമല്ല, അയൽവീട്ടിൽ പോയാലും ഇരട്ട മാസ്‌ക് വേണം, കോവിഡ് പ്രതിരോധത്തിനായി കർശന നിർദേശങ്ങൾ.
തിരുവനന്തപുരം: കോവിഡ് വ്യാപനം രൂക്ഷമായ സാഹചര്യത്തിൽ വീടിനുള്ളിലും സുരക്ഷ ഉറപ്പാക്കണമെന്ന് നിർദേശം. ഇന്നലെ ചേർന്ന അവലോകന യോഗത്തിനു ശേഷം മുഖ്യമന്ത്രി തന്നെ ഇക്കാര്യം വ്യക്തമാക്കിയിട്ടുണ്ട്. അയൽവീടുകളിൽ പോകുമ്പോൾ പോലും ഇരട്ട മാസ്‌ക് ധരിക്കുന്നതാണ് ഉചിതെന്നാണ് നിർദേശം.
- വീടിനുള്ളിൽ പൊതു ഇടങ്ങൾ കുറയ്ക്കണം.
- ഭക്ഷണം കഴിക്കൽ, ടിവി കാണൽ, പ്രാർത്ഥന എന്നിവ ഒറ്റയ്ക്കോ പ്രത്യേക മുറിയിലോ ആവുന്നതാണ് നല്ലത്.
- അയൽവീട്ടുകാരുമായി ഇടപെടുമ്പോൾ ഡബിൾ മാസ്‌ക് നിർബന്ധമാക്കണം.
- അവരിൽ നിന്ന് എന്തെങ്കിലും സ്വീകരിച്ചാൽ കൈകഴുകണം.
- പുറത്തു പോയി വരുന്ന മുതിർന്നവർ കുട്ടികളുമായി അടുത്ത് ഇടപഴുകുന്നത് ഒഴിവാക്കണം.
- വീട്ടിൽ വായു സഞ്ചാരം ഉറപ്പാക്കാൻ ജനലുകൾ തുറന്നിടണം.
- ഭക്ഷണം കഴിച്ച ശേഷം പത്രം സോപ്പിട്ട് കഴുകണം.
കോവിഡ് വ്യാപനത്തിന്‍റെയും ലോക്ക്ഡൗണിന്‍റെയും പശ്ചാത്തലത്തിൽ സംസ്ഥാനത്ത് സൗജന്യ ഭക്ഷണ കിറ്റ് വിതരണം ഈ മാസം തുടരും. കിറ്റുകൾ അടുത്ത ആഴ്ച്ച കൊടുത്തു തുടങ്ങും. അതിഥി തൊഴിലാളികൾക്കും ഭക്ഷ്യ കിറ്റ് വിതരണം ചെയ്യും. ലോക്ക്ഡൗൺ ഘട്ടത്തിൽ അത്യാവശ്യ കാര്യങ്ങൾ പുറത്ത് പോകാൻ പൊലീസ് പാസ് നൽകും.
- തട്ടുകടകൾ ലോക്ക്ഡൗൺ കാലത്ത് തുറക്കരുത്.
- വാഹന റിപ്പർ വർക്ക് ഷോപ്പ് ആഴ്ച്ച അവസാനം രണ്ടു ദിവസം തുറക്കാം.
- ഹാർബർ ലേലം ഒഴിവാക്കും.
- ബാങ്കുകൾ തിങ്കൾ, ബുധൻ, വെള്ളി ദിവസങ്ങളിൽ പ്രവർത്തിക്കും.
- പൾസ് ഓക്‌സിമീറ്റുകൾക്ക് വലിയ ചാർജ് ഈടാക്കുന്നവർക്കെതിരെ കടുത്ത നടപടി എടുക്കാൻ കളക്ടർമാർക്ക് നിർദ്ദേശം നൽകി.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..https://chat.whatsapp.com/ENXwGkDGROQ03kkr186WNt
