പോക്‌സോ കേസ് പ്രതിക്ക് ജീവപര്യന്തം തടവും 60,000 രൂപ പിഴയും

അണക്കര അത്തിമര കോളനിയിൽ പുതുപ്പറമ്പിൽ ധനരാജിനെയാണ്(തവമണി-39) കട്ടപ്പന ഫാസ്റ്റ്ട്രാക്ക് പോക്‌സോ കോടതി ജഡ്ജി ഫിലിപ്പ് തോമസ് ശിക്ഷിച്ച് വിധി പ്രസ്താവിച്ചത്.2019ൽ വണ്ടൻമേട് പൊലീസാണ് കേസ് റജിസ്റ്റർ ചെയ്തത്. പ്രായപൂർത്തിയാകാത്ത പെൺകുട്ടിയെ രണ്ടു കുട്ടികളുടെ അച്ഛനായ പ്രതി വീട്ടിലും കൃഷിയിടത്തിലും ഉൾപെടെ എത്തിച്ചാണ് പീഡിപ്പിച്ചത്. പോക്‌സോ ആക്ട് പ്രകാരം 20 വർഷവും തടവും എസ് സി/എസ്ടി ആക്ട് പ്രകാരം ജീവപര്യന്തവും ഐപിസി ആക്ട് പ്രകാരം 5 വർഷവും തടവും മൂന്ന് ആക്ടുകൾ പ്രകാരം 60,000 രൂപ പിഴയും അടയ്ക്കാനാണ് ശിക്ഷ. ശിക്ഷ ഒന്നിച്ച് അനുഭവിച്ചാൽ മതി. പ്രോസിക്യൂഷനുവേണ്ടി സുസ്മിത ജോൺ ഹാജരായി.