പ്രധാന വാര്‍ത്തകള്‍
അപ്രന്റീസ്ഷിപ്പ് മേള ജനുവരി 9 ന്ട്രെയിനികളെ ആവശ്യമുളളവര്‍ക്ക് മേളയില്‍ നിന്ന് തെരഞ്ഞെടുക്കാം
രാജ്യത്തെ അപ്രന്റീസ് ട്രെയിനികളുടെ എണ്ണം വര്‍ദ്ധിപ്പിക്കുക എന്ന ലക്ഷ്യത്തോടെ എല്ലാ മാസവും രണ്ടാമത്തെ തിങ്കളാഴ്ച അഖിലേന്ത്യാ അടിസ്ഥാനത്തില്‍ പ്രൈം മിനിസ്റ്റേഴ്‌സ് നാഷണല്‍ അപ്രന്റീസ്ഷിപ്പ് മേള നടത്തും. ഇടുക്കി ജില്ലയിലെ മേള ജനുവരി 9, രാവിലെ 9 ന് കട്ടപ്പന ഗവ. ഐ.ടി.ഐ യില്‍ നടത്തും. മേളയില്‍ വിവിധ ട്രേഡുകളില്‍ ഐ.ടി.ഐ പാസായ എല്ലാ ട്രെയിനികള്‍ക്കും പങ്കെടുക്കാം. കൂടാതെ ട്രെയിനികളെ ആവശ്യമുളള സ്ഥാപനങ്ങള്‍ക്ക് മേളയില്‍ നേരിട്ട് പങ്കെടുത്ത് ട്രെയിനികളെ തെരഞ്ഞെടുക്കാം. അതോടൊപ്പം ട്രെയിനികളും ആവശ്യമുളള സ്ഥാപനങ്ങളും പരിശീലനം ആഗ്രഹിക്കുന്ന ട്രെയിനികളും www.apprenticeshipindia.gov.in/mela -registration എന്ന പോര്‍ട്ടലില്‍ രിജിസ്റ്റര്‍ ചെയ്യണം. ഫോണ്‍: 04868 272216.
