പ്രധാന വാര്‍ത്തകള്‍
ദേവിയാര്‍ പുഴയില്‍ ഒഴുക്കില്‍പ്പെട്ട യുവാവിനെ കണ്ടെത്തിയില്ല
അടിമാലി: മീന്‍പിടിക്കുന്നതിനിടെ ദേവിയാര്‍ പുഴയില്‍ ഒഴുക്കില്‍പ്പെട്ട യുവാവിനെ കണ്ടെത്തിയില്ല. ഇരുമ്ബുപാലം ഒഴുവത്തം കളത്തിപ്പറമ്ബില്‍ തങ്കന്റെ മകന്‍ അഖില്‍(22)നെ കണ്ടെത്തുന്നതിനുള്ള നീക്കമാണ് രണ്ടുദിവസത്തോളം പിന്നിട്ടും ഫലം കണ്ടില്ല.
ഇന്നലെ രാവിലെ കോതമംഗലത്തുനിന്നെത്തിയ ഫയര്‍ഫോഴ്‌സിന്റെ സ്‌കൂബ ടീം പുഴയില്‍ വ്യാപകമായി തിരച്ചില്‍ നടത്തി.വൈകിട്ട് 4.30 തോടടുത്താണ് തിരച്ചില്‍ അവസാനിപ്പിച്ചത്.പുഴയിലെ ശക്തമായ കുത്തൊഴുക്ക് വകവയ്ക്കാതെയാണ് .പി എം റഷീദിന്റെ നേതൃത്വത്തിലുള്ള 5 അംഗ സ്‌കൂബ ടീം തിരച്ചിലിനിറങ്ങിയത്. ഇന്നലെ വൈകിട്ട് 6 മണിയോടടുത്ത് 3 സുഹൃത്തുക്കള്‍ക്കൊപ്പം മീന്‍പിടിക്കാന്‍ പുറപ്പെട്ട അഖില്‍ കാല്‍വഴുതി പുഴയിലെ കുത്തൊഴുക്കില്‍ അകപ്പെടുകയായിരുന്നു.
