Idukki വാര്‍ത്തകള്‍പീരിമേട്പ്രധാന വാര്‍ത്തകള്‍
മുല്ലപ്പെരിയാർ;കോൺഗ്രസ് ജില്ലാ കമ്മറ്റിയുടെ മനുഷ്യ ചങ്ങല ഇന്ന് വണ്ടിപ്പെരിയാറ്റിൽ
വണ്ടിപ്പെരിയാര്‍: ‘ മുല്ലപ്പെരിയാറില്‍ പുതി ഡാം… കേരളത്തിന് സുരക്ഷ.. തമിഴ് നാടിന് ജലം ‘ എന്ന സന്ദേശമുയര്‍ത്തി ഇടുക്കി ജില്ലാ കോണ്‍ഗ്രസ് കമ്മിറ്റിയുടെ നേതൃത്വത്തില്‍ ഇന്ന് രാവിലെ പതിനൊന്നരക്ക് വണ്ടിപ്പെരിയാര്‍ മുതല്‍ വാളാടി വരെ നാല് കിലോമീറ്റര്‍ ദൂരത്തില്‍ മനുഷ്യച്ചങ്ങല സ്യഷ്ടിക്കും കെ.പി.സി.സി. പ്രസിഡന്റ് കെ. സുധാകരന്‍ എം.പി, സാമൂഹ്യ രാഷ്ട്രീയ സാംസ്‌കാരിക സാഹിത്യകലാരംഗത്തെ പ്രമുഖര്‍ ഉള്‍പ്പടെ ബഹുജനങ്ങള്‍ ചങ്ങലയില്‍ കണ്ണിയാകും. തുടര്‍ന്ന് പഞ്ചായത്ത് ബസ് സ്റ്റാന്‍ഡില്‍ നടക്കുന്ന പൊതുസമ്മേളനം കെ.പി.പി.സി. പ്രസിഡന്റ് കെ.സുധാകരന്‍ ഉദ്ഘാടനം ചെയ്യും. ഡി.സി.സി. പ്രസിഡന്റ് സി.പി. മാത്യു അദ്ധ്യക്ഷത വഹിക്കുന്ന സമ്മേളനത്തില്‍ സംസ്ഥാനജില്ലാ നേതാക്കള്‍ പങ്കെടുക്കുമെന്ന് സി.പി.മാത്യു പത്രസമ്മേളനത്തില്‍ അറിയിച്ചു.
