സർക്കാർ സേവനത്തിന് അപേക്ഷാ ഫീസില്ല; വ്യാപാര, വാണിജ്യ ആവശ്യങ്ങൾക്കുള്ള അപേക്ഷാഫീസ് തുടരും
തിരുവനന്തപുരം: കേരള സര്ക്കാരിന്റെ വിവിധ സേവനങ്ങള്ക്ക് അപേക്ഷാ ഫീസ് ഒഴിവാക്കാന് മന്ത്രിസഭാ യോഗം തീരുമാനിച്ചു.വ്യാപാര, വാണിജ്യ ആവശ്യങ്ങള്ക്കുള്ള അപേക്ഷാഫീസ് തുടരും.പൗരന്മാര്ക്ക് സര്ട്ടിഫിക്കറ്റുകളോ സേവനങ്ങളോ നല്കുന്നതിനുള്ള നടപടിക്രമങ്ങള് ലഘൂകരിക്കും
സര്ക്കാര് സേവനങ്ങള് പരമാവധി ഓണ്ലൈനാക്കാനുള്ള നടപടികള്ക്ക് പുറമെയാണിത്.ഒരിക്കല് നല്കിയ സര്ട്ടിഫിക്കറ്റുകള് മറ്റു സര്ക്കാര് ഓഫീസുകളിലെ ആവശ്യങ്ങള്ക്കും ഉപയോഗിക്കാം. കാലയളവ് ബന്ധപ്പെട്ട വകുപ്പുകള്ക്ക് നിഷ്കര്ഷിക്കാം. ഏറ്റവും കുറഞ്ഞത് ഒരു വര്ഷക്കാലമായിരിക്കണം.
അപേക്ഷാ ഫോമുകള് ലളിതമാക്കി ഒരു പേജില് പരിമിതപ്പെടുത്തും,അപേക്ഷകളില് അനുമതി നല്കുന്നതിനുള്ള നടപടിക്രമങ്ങളും സുഗമമാക്കും.വിവിധ സര്ക്കാര് സേവനങ്ങള് ലഭ്യമാക്കുന്നതിന് രേഖകളോ സര്ട്ടിഫിക്കറ്റുകളോ ഗസറ്റഡ് ഉദ്യോഗസ്ഥന് അല്ലെങ്കില് നോട്ടറി സാക്ഷ്യപ്പെടുത്തണമെന്ന രീതി ഒഴിവാക്കി
