റെസിഡന്‍സ് അസോസിയേഷനെ അനുമോദിച്ചു
കട്ടപ്പന: ഭാരതത്തിന് സ്വാതന്ത്ര്യം ലഭിച്ചതിന്റെ 75-ാം വാര്‍ഷികത്തോട് അനുബന്ധിച്ച് നടപ്പിലാക്കുന്ന ആസാദിക അമൃത് മഹോത്സവ് ആഘോഷങ്ങളുടെ ഭാഗമായി അജൈവ മാലിന്യങ്ങള്‍ മാതൃകാപരമായ രീതിയില്‍ തരം തിരിച്ച് എല്ലാ മാസവും ഹരിതകര്‍മ സേനയ്ക്ക് കൈമാറി വരുന്നതിന് നഗരസഭയിലെ 27-ാം വാര്‍ഡിലെ സ്‌നേഹതീരം റെസിഡന്‍സ് അസോസിയേഷന്‍ അര്‍ഹമായി.
അസോസിയേഷന്‍ പ്രസിഡന്റ് ജെ. ജയകുമാര്‍ അധ്യക്ഷത വഹിച്ച യോഗത്തില്‍ നഗരസഭ വൈസ് ചെയര്‍മാന്‍ ജോയി ആനിത്തോട്ടം ഉപഹാരം നല്‍കി ഉദ്ഘാടനം ചെയ്തു.
യോഗത്തില്‍ നഗരസഭാ ആരോഗ്യ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ ഏലിയാമ്മ കുര്യാക്കോസ്, നഗരസഭാ പൊതുമരാമത്ത് സ്റ്റാന്റിങ് കമ്മിറ്റി ചെയര്‍മാന്‍ സിബി പാറപ്പായി, വാര്‍ഡ് കൗണ്‍സിലര്‍ ലീലാമ്മ ബേബി, നഗരസഭ ഹെല്‍ത്ത് ഇന്‍സ്‌പെക്ടര്‍ അജിത്കുമാര്‍,മാത്യു ജോണ്‍, ഷിബു, നഗരസഭാആരോഗ്യവിഭാഗം ജീവനക്കാര്‍, ഹരിതകര്‍മസേന അംഗം ഗീത സുരേഷ് എന്നിവര്‍ പങ്കെടുത്തു.
