കട്ടപ്പന നഗരസഭക്ക് അഭിമാനമായി ക്യാൻസർ രോഗ നിർണയ കേന്ദ്രം,നഗരജനകീയ ആരോഗ്യ കേന്ദ്രം സ്പെഷ്യലിറ്റി ദന്തൽ ക്ലിനിക്ക് എന്നിവയുടെ ഉദ്ഘാടനം ഏപ്രിൽ 22 ന് നടക്കും

കട്ടപ്പന നഗരസഭക്ക് അഭിമാനമായി ക്യാൻസർ രോഗ നിർണയ കേന്ദ്രം,
നഗരജനകീയ ആരോഗ്യ കേന്ദ്രം സ്പെഷ്യലിറ്റി ദന്തൽ ക്ലിനിക്ക് എന്നിവയുടെ ഉദ്ഘാടനം ഏപ്രിൽ 22 ന്. നടക്കും.
പാറക്കടവിലുള്ള പഴയ ബ്ലോക്ക് പഞ്ചായത്ത് ഓഫീസ് കെട്ടിടത്തിലാണ് സ്ഥാപനങ്ങൾ പ്രവർത്തിക്കുന്നത്.

ഏപ്രിൽ 22 ന് 12 മണിക്ക് കട്ടപ്പനയിൽ മുന്ന് സൗജന്യ ആരോഗ്യ കേന്ദ്രങ്ങൾ ഒരുമിച്ചു നാടിന് സമർപ്പിക്കും.

കട്ടപ്പന നഗര സഭയുടെ കിഴിൽ
ക്യാൻസർ രോഗ നിർണയ കേന്ദ്രം, നഗരജനകീയ ആരോഗ്യ കേന്ദ്രം, സ്പെഷ്യലിറ്റി ദന്തൽ ക്ലിനിക് എന്നിവയാണ് നാടിന് സമർപ്പിക്കുന്നത്.
കട്ടപ്പന
ബ്ലോക്ക് പഞ്ചായത്ത് മുൻപ് പ്രവർത്തിച്ചിരുന്ന പാറക്കടവിലെ ഓഫീസ് കെട്ടിടത്തിൽ ആണ് മുന്ന് ആരോഗ്യ കേന്ദ്രങ്ങളും ഒരുമിച്ചു പ്രവർത്തിക്കുന്നത്.

22 ന് ചൊവ്വാഴ്‌ച 12 ന് ജല വിഭവ വകുപ്പ് മന്ത്രി റോഷി ആഗസ്റ്റ്യൻ ക്യാൻസർ രോഗ നിർണയ കേന്ദ്രത്തിന്റെ ഉൽഘാടനം നിർവഹിക്കും. നഗര ജനകീയ ആരോഗ്യ കേന്ദ്രത്തിന്റെ ഉൽഘാടനം അഡ്വ. ഡീൻ കുര്യാക്കോസ് എം. പി യും,സ്പെഷ്യലിറ്റി ദന്തൽ ക്ലിനിക് ഉൽഘാടനം ബ്ലോക്ക് പഞ്ചായത്ത് പ്രസിഡന്റ് വി.പി.ജോണും നിർവഹിക്കും.

നഗരസഭയുടെ നിയന്ത്രണത്തിൽ പ്രവർത്തിക്കുന്ന താലൂ ക്കാശുപത്രിയുടെ മേൽനോട്ടത്തിൽ ഇടുക്കി ജില്ലയിൽ ആദ്യമായിട്ടാണ് ഒരു ക്യാൻസർ രോഗനിർണയ കേന്ദ്രം ആരംഭിക്കുന്നത്. ക്യാൻസർ രോഗം ഏറ്റവും കൂടുതൽ വ്യാപകമായിരിക്കുന്ന ഹൈറേഞ്ചിൽ രോഗ നിർണയത്തിന് സൗകര്യമില്ലാത്തത് വലിയ ബുദ്ധിമുട്ടാണ് ആളുകൾക്ക് ഉണ്ടാക്കിയിരുന്നത്. കേരളത്തിലെ പ്രമുഖ ക്യാൻസർ ചികിത്സാ ആശുപത്രികളുടെ സഹകരണ ത്തോടെ ആരംഭിക്കുന്ന രോഗ നിർണയകേന്ദ്രം ഹൈറേഞ്ചിൽ ക്യാൻസർ രോഗ ചികിത്സാ രംഗത്തെ ആദ്യകാൽവയ്പാണ്.

നഗരപ്രദേശങ്ങളിൽ സമഗ്രപ്രാഥമിക ആരോഗ്യപരിരക്ഷ ഉറപ്പാക്കുവാനും ആരോഗ്യ സേവനങ്ങൾ താഴെതട്ടിലുള്ള ജനങ്ങൾക്ക് കുറഞ്ഞ ചിലവിൽ ലഭ്യമാക്കാനും പുതിയ സംരംഭത്തിലൂടെ സാധിക്കും.
ദന്തൽ ചികിത്സാരംഗത്ത് ജില്ലയിൽ ആദ്യമായി കേന്ദ്രസർക്കാർ സഹകരണത്തോടെ നഗരസഭയുടെ നിയന്ത്രണത്തിൽ സ്പെഷ്യലിറ്റി ദന്തൽ ക്ലിനിക്കിനും തുടക്കമാകുകയാണ്. കട്ടപ്പനയിൽ ദന്തൽ സംബന്ധമായ വിദഗ്ദ്ധ ചികിത്സയ്ക്കാവശ്യമായ ആധുനിക സജ്ജീകര ണങ്ങളും വിദഗ്ദ്ധരായ ഡോക്ടർമാരുടെ സേവനവും ഈ കേന്ദ്രത്തിന്റെ പ്രത്യേകതയാണ്.

പൊതുജനങ്ങൾക്ക് സൗജന്യമായി മികച്ച ചികിത്സ ലഭിക്കുന്നതിനുള്ള സ്ഥാപനങ്ങളാണ് പാറക്കടവിലുള്ള ബ്ലോക്ക് പഞ്ചായ ത്തിന്റെ പഴയ ഓഫീസ് കെട്ടിടത്തിൽ പ്രവർത്തനം ആരംഭിക്കുന്നത്. ഒരു കോടിയോളം രൂപ ചെലവഴിച്ചു
കേന്ദ്ര സംസ്ഥാന സർക്കാരുകളുടെ സാമ്പത്തിക സഹായവും ആരോഗ്യവകുപ്പിൻ്റേയും ബ്ലോക്ക് പഞ്ചായത്തിൻ്റെയും പ്രത്യേക പരിഗ ണനയും നിമിത്തമാണ് മൂന്ന് കേന്ദ്രങ്ങൾ ഒരുമിച്ച് പ്രവർത്തനമാരംഭി ക്കാൻ കഴിഞ്ഞിട്ടുള്ളത് എന്ന് നഗര സഭ ഭരണസമിതി വാർത്താ സമ്മേളനത്തിൽ പറഞ്ഞു.

ചെയർപേഴ്സൺ ബീന ടോമി ,
വൈസ് ചെയർമാൻ അഡ്വ. കെ.ജെ. ബെന്നി, മുൻ ചെയർമാൻ ജോയി വെട്ടിക്കുഴി,
കൗൺസിലർമ്മാരായ ജോയി ആനിത്തോട്ടം, സിബി പാറപ്പായി എന്നിവർ പത്ര സമ്മേളനത്തിൽ പങ്കെടുത്തു.