മോഷണ വസ്തുക്കളുമായി എത്തിയ മറുനാടൻ തൊഴിലാളികളെ ഓടിച്ചിട്ട് പിടികൂടി

ബുധനാഴ്ച രാത്രി മോഷണ വസ്തുക്കളുമായി എത്തിയ മറുനാടൻ തൊഴിലാളികളെ നഗരത്തിലെ വ്യാപാരികൾ ഓടിച്ചിട്ട് പിടികൂടി. ചെറു ബാഗുകളിലാക്കി ഏലയ്ക്കയും കുരുമുളകുമായി കെ.എസ്.ഇ.ബി. ജങ്ങ്ഷനിൽ എത്തിയ മറുനാടൻ തൊഴിലാളികളെ സംശയംതോന്നി വ്യാപാരികൾ തടഞ്ഞുവെച്ചു. തുടർന്ന് ഓടി രക്ഷപെടാൻ ശ്രമിച്ച ഇവരെ വ്യാപാരികൾ ഓടിച്ചിട്ട് പിടികൂടുകയായിരുന്നു. തുടർന്ന് ഇവരെ പോലീസിലേൽപ്പിച്ചു. ചെറിയ അളവിൽ ഏലയ്ക്കയും കുരുമുളകുമായിരുന്നു ഇവരുടെ പക്കലുണ്ടായിരുന്നത്.