വിദ്യാര്‍ത്ഥികള്‍ക്ക് ആശ്വാസമായി ഇടുക്കി ഭദ്രാസന യുവജന പ്രസ്ഥാനം
കട്ടപ്പന:ഇടുക്കി ഭദ്രാസന മൊത്രാപ്പോലീത്തായായിരുന്ന ഔഗേന്‍ മാര്‍ ദിവന്നാസിയോസ് തിരുമേനിയുടെ 14-ാം ഓര്‍മപ്പെരുന്നാളിനോട് അനുബന്ധിച്ച് വാകത്താനം വള്ളിക്കാട്ട് ദയറായില്‍ ഇടുക്കി ഭദ്രാസനത്തിലെ യുവജനപ്രസ്ഥാനത്തിന്റെ നേതൃത്വത്തില്‍ ഔഗേന്‍ മാര്‍ ദിവന്നാസിയോസ് മെമ്മോറിയല്‍ എഡ്യുക്കേഷന്‍ ഗൈഡന്‍സ് ആന്റ് കെയര്‍ ഓ.സി.വൈ.എം ഇടുക്കി എന്ന പദ്ധതി ഇടുക്കി ഭദ്രാസന സഹായ മെത്രാപ്പോലീത്ത മാത്യൂസ് മാര്‍ സേവേറിയോസ് തിരുമേനി ഉദ്ഘാടനം ചെയ്തു. സാമ്പത്തികമായ് പ്രയാസപ്പെടുന്ന പഠനത്തില്‍ സമൃദ്ധരായ വിദ്യാര്‍ത്ഥികളെ സഹായിക്കുക, നിര്‍ദ്ധന വിദ്യാര്‍ത്ഥികള്‍ക്ക് പഠനോപകരണങ്ങള്‍ വിതരണം ചെയ്യുക, കരിയര്‍ ഗൈഡന്‍സ് ക്ലാസുകള്‍ നല്‍കുക, പഠനം കഴിഞ്ഞവര്‍ക്ക് ജോലി സാധ്യതകള്‍ പരിചയപ്പെടുത്തുക, വിവിധ കമ്പനികളുമായ് സഹകരിച്ച് ജോബ് ഫെസ്റ്റുകള്‍ സംഘടിപ്പിക്കുക തുടങ്ങിയ ലക്ഷ്യത്തോടെ തുടക്കം കുറിച്ച പദ്ധതിയുടെ ഉദ്ഘാടന ചടങ്ങില്‍ ഭദ്രാസന യുവജനപ്രസ്ഥാനം വൈസ് പ്രസിഡന്റ് ഫാ.ജസ്വിന്‍ ചാക്കോ, ഫാ.ജോസ് സാമൂവേല്‍, ഫാ.ജിജിന്‍ ബേബി എന്നിവര്‍ പങ്കെടുത്തു.
