Idukki വാര്ത്തകള്കേരള ന്യൂസ്പ്രധാന വാര്ത്തകള്പ്രാദേശിക വാർത്തകൾ
സ്കോളര്ഷിപ്പിന് അപേക്ഷിക്കാം

കേരള മോട്ടോര് തൊഴിലാളി ക്ഷേമനിധി ബോര്ഡ് ഇടുക്കി ജില്ലയില് 2023 മാര്ച്ച് 31 വരെ അംഗങ്ങളായിട്ടുളള തൊഴിലാളികളുടെ മക്കളില് നിന്ന് 2023 -2024 അധ്യയന വര്ഷത്തെ വിദ്യാഭ്യാസ സ്കോളര്ഷിപ്പിന് അപേക്ഷ ക്ഷണിച്ചു. എട്ടാം തരം മുതല് പ്രൊഫഷണല് കോഴ്സ് വരെ പഠിക്കുന്ന കുട്ടികള്ക്ക് അപേക്ഷിക്കാം. പൂരിപ്പിച്ച അപേക്ഷകള് ആവശ്യമായ രേഖകള് സഹിതം നവംബര് 30 വരെ ജില്ലാ ആഫീസില് സ്വീകരിക്കും. അപേക്ഷകള് കേരള മോട്ടോര് തൊഴിലാളി ക്ഷേമനിധി ബോര്ഡിന്റെ ജില്ലാ ആഫീസില് നിന്ന് നേരിട്ടും കൂടാതെ ബോര്ഡിന്റെ ഔദ്യോഗിക വെബ്സൈറ്റില് നിന്നും http://kmtwwfb.org ഡൗണ്ലോഡ് ചെയ്തെടുക്കാം. അപേക്ഷയോടൊപ്പം ഫോണ് നമ്പര് കൂടി രേഖപ്പെടുത്തണം. കൂടുതല് വിവരങ്ങള്ക്ക് തൊടുപുഴയിലുളള ജില്ലാ ഓഫീസുമായി ബന്ധപ്പെടുക. ഫോണ്: 04862-220308