നിത്യോപയോഗസാധനങ്ങളുടെ വിലക്കയറ്റം. കേരളാ കോൺഗ്രസ് കൂട്ട ധർണ്ണ 25 – ന് ചെറുതോണിയിൽ

നിത്യോപയോഗസാധനങ്ങളുടെ വിലക്കയറ്റം തടയാൻ അടിയന്തര നടപടികൾ സ്വീകരിക്കുക, മാവേലി സ്റ്റോറുകളിലും സപ്ലൈകോകളിലും റേഷൻ കടകളിലും അവശ്യ വസ്തുക്കൾ എത്തിക്കുക.
പൊതു വിപണിയിൽ സർക്കാർ ഇടപെടുക തുടങ്ങിയ ആവശ്യങ്ങളുന്നയിച്ച് കേരളാ കോൺഗ്രസ് ഇടുക്കി നിയോജക മണ്ഡലം കമ്മറ്റി നേതൃത്വത്തിൽ 25 – ന് രാവിലെ 11.30-ന് ചെറുതോണി സപ്ലൈകോ ഓഫീസ് പടിക്കൽ കൂട്ട ധർണ്ണ നടത്തുമെന്ന് നിയോജകമണ്ഡലം പ്രസിഡണ്ട് ജോയി കൊച്ചു കരോട്ട് അറിയിച്ചു.
രാവിലെ 10.30 – ന് പാർട്ടി നിയോജക മണ്ഡലം കമ്മറ്റി ചെറുതോണി ഓഫീസിൽ കൂടുന്നതാണെന്ന് സെക്രട്ടറി ടോമി തൈലം മനാലും അറിയിച്ചു.
ജില്ലാ പ്രസിഡണ്ട് പ്രൊഫ.എം.ജെ.ജേക്കബ് , തോമസ് പെരുമന ,നോബിൾ ജോസഫ്, വർഗീസ്‌വെട്ടിയാങ്കൽ, ഷൈനി സജി, എബി തോമസ്, വി.എ. ഉലഹന്ന ൻ തുടങ്ങിയവർ പ്രസംഗിക്കും.
മണ്ഡലം പ്രസിഡണ്ടുമാർ, നിയോജകമണ്ഡലം , ജില്ലാ ഭാരവാഹികൾ, ത്രിതലപഞ്ചായത്ത് മെമ്പറൻമാർ തുടങ്ങിയവർ നേതൃത്വം നൽകും