നാട്ടുവാര്‍ത്തകള്‍
എസ്എസ്എൽസി, പ്ലസ്ടു പരീക്ഷഫലങ്ങൾ വൈകും
സംസ്ഥാനത്ത് കോവിഡ് രണ്ടാം തരംഗവ്യാപനം അതിരൂക്ഷമായ സാഹചര്യത്തില്‍ ഈ വര്‍ഷത്തെ എസ്‌എസ്‌എല്‍സി, പ്ലസ് ടു പരീക്ഷാഫലങ്ങള്‍ വൈകുമെന്ന് സൂചന. പല ജില്ലകളിലും ട്രിപിള്‍ ലോക്ഡൗണ്‍ കൂടി പ്രഖ്യാപിച്ചതോടെ പരീക്ഷകളുടെ മൂല്യനിര്‍ണയ ക്യാംപുകള്‍ എന്ന് നടത്തും എന്നതില്‍ തീരുമാനമെടുക്കാന്‍ കഴിഞ്ഞിട്ടില്ല.മെയ്‌ 15 മുതല്‍ എസ്‌എസ്‌എല്‍സി മൂല്യനിര്‍ണയവും മെയ്‌ 5 മുതല്‍ പ്ലസ് ടു മൂല്യനിര്‍ണയ ക്യാംപുകളും ആരംഭിക്കാനായിരുന്നു തീരുമാനം. എന്നാൽ കോവിഡ് വർദ്ധിച്ചതോടെയാണ് മൂല്യനിർണ്ണയം പ്രതിസന്ധിയിലായത്.
