നാട്ടുവാര്‍ത്തകള്‍
നെറ്റിത്തൊഴു താബോര്‍ വലിയ പള്ളിയില്‍ ഓര്‍മപ്പെരുന്നാള്‍
കട്ടപ്പന: ഗീവര്‍ഗീസ് സഹദായുടെ നാമത്തിലുള്ള ഹൈറേഞ്ചിലെ പ്രമുഖ ഓര്‍ത്തഡോക്‌സ് ദേവാലയവും പുതുപ്പള്ളി പൊന്‍കുരിശ് സ്ഥാപിതമായിട്ടുള്ളതും ബര്‍സ്‌ക്കീപ്പാ റമ്പാന്റെ കബറിടം സ്ഥിതി ചെയ്യുന്നതുമായ നെറ്റിത്തൊഴു താബോര്‍ സെ.ജോര്‍ജ് ഓര്‍ത്തഡോക്‌സ് വലിയപള്ളിയില്‍ പരിശുദ്ധ പാമ്പാടി തിരുമേനിയുടെ ഓര്‍മപ്പെരുന്നാള്‍ ഞായറാഴ്ച നടക്കും. രാവിലെ ഏഴിന് പ്രഭാതനമസ്‌ക്കാരം. എട്ടിന് കുര്‍ബാന-റവ.കെ.ടി ജേക്കബ്ബ് കോര്‍ എപ്പിസ്‌കോപ്പ. ഒന്‍പതിന് മദ്ധ്യസ്ഥ പ്രാര്‍ത്ഥന, 9.15 ന് പ്രസംഗം. 9.30 ന് ബര്‍സ്‌ക്കീപ്പാ റമ്പാന്റെ കബറിങ്കല്‍ ധൂപപ്രാര്‍ത്ഥന. തുടര്‍ന്ന് കൈമുത്ത്. വൈകുന്നേരം ആറിന് പരിശുദ്ധ പാമ്പാടി തിരുമേനിയുടെ നാമത്തിലുള്ള കൊച്ചറ കുരിശടിയില്‍ സന്ധ്യാനമസ്‌ക്കാരം. 6.45ന് പ്രസംഗം-ഫാ. മാത്യു ജോണ്‍. 7.45 ന് മദ്ധ്യസ്ഥ പ്രാര്‍ത്ഥന. തുടര്‍ന്ന് ആശിര്‍വാദം.
