ഉടുമ്പൻചോലയിൽ 223 ബൂത്തുകൾ; വോട്ടിങ് മെഷിനുകൾ എത്തിച്ചു

നെടുങ്കണ്ടം: ഉടുമ്പൻചോല മണ്ഡലത്തിലെ 223 ബൂത്തുകളിലേക്കുള്ള വോട്ടിങ് മെഷിനുകൾ എത്തിച്ചു. ഇന്നലെ രാവിലെ നെടുങ്കണ്ടം സെൻ്റ് സെബാസ്റ്റ്യൻ സ്കൂൾ ഗ്രൗണ്ടിൽ പ്രത്യേകം തയാറാക്കിയ വിതരണ കേന്ദ്രത്തിൽ ഉദ്യോഗസ്ഥർ എത്തി ബൂത്തിലേക്കുള്ള സാമഗ്രികൾ ഏറ്റുവാങ്ങി. 223 വോട്ടിങ് മെഷിനുകൾ ബൂത്തുകളിലേക്ക് നൽകി. 62 സ്പെയർ മെഷിനുകളും തയാറാക്കിയിട്ടുണ്ട്. വോട്ടിങ് മെഷിനുകൾൾക്ക് തകരാർ സംഭവിച്ചാൽ പകരം ഉപയോഗിക്കാനാണ് സ്പെയർ മെഷിനുകൾ. മണ്ഡലത്തിനെ രണ്ട് സോണുകളായി തിരിച്ച് സോൺ മജിസ്ട്രേട്ടുമാരെ നിയമിച്ചു. കരുണാപുരവും, രാജാക്കാടും കേന്ദ്രീകരിച്ചാണ് രണ്ട് സോണുകൾ പ്രവർത്തിക്കുന്നത്. വോട്ടിങ് മെഷിൻ തകരാർ പരിഹരിക്കാൻ രണ്ട് എൻജിനിയർമാരെയും നിയമിച്ചു.