പ്രധാന വാര്‍ത്തകള്‍
ബ്രൈറ്റ് സ്‌കോളര്‍ഷിപ്പിന് അപേക്ഷ ക്ഷണിച്ചു
വിമുക്ത ഭടന്മാരുടെ മക്കളില്‍ നിന്നും 2021-2022 അധ്യയന വര്‍ഷത്തിലെ ബ്രൈറ്റ് സ്റ്റുഡന്റ്‌സ് സ്‌കോളര്‍ഷിപ്പിനുള്ള അപേക്ഷ ക്ഷണിച്ചു. കേരളത്തിലെ അംഗീകൃത വിദ്യാലയങ്ങള്‍, യൂണിവേഴ്‌സിറ്റികള്‍ നടത്തുന്ന പത്താം ക്ലാസും അതിന് മുകളിലുമുള്ള റഗുലര്‍ കോഴ്‌സുകള്‍ പഠിക്കുന്നവർക്ക് അപേക്ഷിക്കാം. അപേക്ഷകര്‍ 2021-2022 വാര്‍ഷിക പരീക്ഷയില്‍ ആകെ അന്‍പത് ശതമാനത്തില്‍ കുറയാതെ മാര്‍ക്ക് നേടിയവരും വാര്‍ഷിക വരുമാനം മൂന്ന് ലക്ഷത്തില്‍ താഴെ ഉള്ളവരുമായിരിക്കണം. അപേക്ഷ ജില്ലാ സൈനിക ക്ഷേമ ഓഫീസില്‍ നവംബര്‍ 20 ന് മുമ്പായി സമര്‍പ്പിക്കണം. ഫോണ്‍: 04862-222904.
