കൊച്ചി നഗരം വെള്ളത്തില്‍ മുങ്ങിയതിലെ ഉത്തരവാദിത്തത്തില്‍ നിന്ന് ഒഴിഞ്ഞുമാറുന്നില്ലെന്ന് കൊച്ചി മേയര്‍ അനില്‍കുമാര്‍
കൊച്ചി: കൊച്ചി നഗരം വെള്ളത്തില്‍ മുങ്ങിയതിലെ ഉത്തരവാദിത്തത്തില്‍ നിന്ന് ഒഴിഞ്ഞുമാറുന്നില്ലെന്ന് കൊച്ചി മേയര്‍ അനില്‍കുമാര്‍.
വെള്ളം ഒഴുകിപ്പോകാന്‍ മാസ്റ്റര്‍ പ്ലാന്‍ വേണം, ഇത് കോര്‍പറേഷന് ഒറ്റയ്ക്ക് കൈകാര്യം ചെയ്യാന്‍ കഴിയില്ല. നഗരാസൂത്രണത്തിനും കൊച്ചി ഇങ്ങനെ ആയതില്‍ പങ്കുണ്ടെന്ന് മേയര്‍ മീഡിയാവണിനോടേ് പറഞ്ഞു.
രാവിലെ പെയ്ത കനത്ത മഴയിലാണ് കൊച്ചി നഗരം വെള്ളത്തില്‍ മുങ്ങിയത്. കലൂര്‍, കടവന്ത്ര, എം ജി റോഡ് എന്നിവിടങ്ങളില്‍ വെള്ളക്കെട്ടുണ്ടായി. വ്യാപാര സ്ഥാപനങ്ങളിലും വീടുകളിലും വെള്ളം കയറി. രാവിലെ പെയ്ത് തുടങ്ങിയ മഴ രണ്ട് മണിക്കൂറോളം തോരാതെ നിന്നു.ഇതോടെ നഗരത്തിലെ പ്രധാന ഭാഗങ്ങളെല്ലാം വേഗത്തില്‍ വെള്ളത്തിലാകുകയായിരുന്നു.
ഹൈക്കോടതി പരിസരം, ബാനര്‍ജി റോഡ്, നോര്‍ത്ത് , എം ജി റോഡ് തുടങ്ങിയ സ്ഥലങ്ങളില്‍ വെള്ളം നിറഞ്ഞു. ഇതോടെ ജനങ്ങള്‍ കുടുങ്ങി. യാത്രക്കാര്‍ കടുത്ത ഗതാഗതക്കുരുക്കില്‍ പെട്ട് വലഞ്ഞു. വ്യാപാര സ്ഥാപനങ്ങളിലേക്ക് വെള്ളം കയറിയത് കാരണം ലക്ഷങ്ങളുടെ നഷ്ടമാണുണ്ടായത്.
