കട്ടപ്പന നഗരസഭയുടെ പുളിയന്മലയിലെ ഡംപ് യാർഡിൽ കെട്ടിക്കിടക്കുന്ന മാലിന്യങ്ങൾ നീക്കം ചെയ്യുവാനുള്ള പദ്ധതി നടപ്പാക്കുന്നതിൽ ഭിന്നാഭിപ്രായം.വിയോജനം രേഖപ്പെടുത്തി ഭരണസമിതിയിലെ രണ്ട് വനിതാ അംഗങ്ങളും പ്രതിപക്ഷവും
കട്ടപ്പന നഗരസഭയുടെ പുളിയന്മലയിലെ ഡംപ് യാർഡിൽ കെട്ടിക്കിടക്കുന്ന മാലിന്യങ്ങൾ നീക്കം ചെയ്യുവാനുള്ള പദ്ധതി നടപ്പാക്കുന്നതിൽ ഭിന്നാഭിപ്രായം.വിയോജനം രേഖപ്പെടുത്തി ഭരണസമിതിയിലെ രണ്ട് വനിതാ അംഗങ്ങളും പ്രതിപക്ഷവും
കട്ടപ്പന നഗരസഭയുടെ പുളിയന്മലയിലെ ഡംപ് യാർഡിൽ കെട്ടിക്കിടക്കുന്ന മാലിന്യങ്ങൾ നീക്കം ചെയ്യുവാനുള്ള പദ്ധതി നടപ്പാക്കുന്നതിൽ ഭിന്നാഭിപ്രായം.ഇ ടെണ്ടർ ക്ഷണിച്ചതിൽ അപാകതയെന്ന് ആരോപിച്ച്
ഭരണസമിതിയിലെ രണ്ട് വനിതാ അംഗങ്ങളും പ്രതിപക്ഷവും കൗൺസിൽ തീരുമാനത്തിൽ വിയോജനം രേഖപ്പെടുത്തി.അതേ സമയം 61ലക്ഷം രൂപയ്ക്ക് സോഷ്യോ ഇക്കണോമിക് യൂണിറ്റ് ഫൗണ്ടേഷന് തന്നെ ടെൻഡർ നൽകുവാനാണ് കൗൺസിൽ തീരുമാനം.നഗരസഭയുടെ വാർഷിക പദ്ധതിയിൽ ഉൾപ്പെടുത്തി 70 ലക്ഷം രൂപയാണ് പുളിയൻ മലയിലെ ഡംപ് യാർഡിൽ കെട്ടിക്കിടക്കുന്ന മാലിന്യങ്ങൾ നീക്കം ചെയ്യുവാനായി വകയിരുത്തി ഇ ടെൻഡർ ക്ഷണിച്ചത്. 530295 രൂപയ്ക്ക് നോർത്ത് ആമ്പ്സ്
ഇ എൻ വി സൊല്യൂഷൻസും 6178261 രൂപയ്ക്ക് സോഷ്യോ ഇക്കണോമിക് യൂണിറ്റ് ഫൗണ്ടേഷനും ക്വോട്ട് ചെയ്തിരുന്നത്. എന്നാൽ കുറഞ്ഞ തുക രേഖപ്പെടുത്തിയ നോർത്ത് ആമ്പ്സ്
ഇ എൻ വി സൊല്യൂഷൻസ് മുൻപരിചയമില്ലെന്ന കാരണത്താൽ ടെൻഡർ സോഷ്യോ ഇക്കണോമിക് യൂണിറ്റ് ഫൗണ്ടേഷന് നൽകുവാൻ തീരുമാനിക്കുകയായിരുന്നു.ടെൻഡർ നൽകുന്നതിൽ അപാകതയുണ്ടെന്ന് ആരോപിച്ചാണ് ഭരണ സമിതിയിലെ തന്നെ വനിതാ അംഗങ്ങളായ ബീനാ ജോബിയും, മായാ ബിജുവും വിയോജനം രേഖപ്പെടുത്തിയത്.പിന്നാലെ സമാന ആരോപണവുമായി എൽഡിഎഫ് , ബിജെപി അംഗങ്ങളും സെക്രട്ടറിയെ വിയോജനം അറിയിച്ചത്.ഭരണകക്ഷിയിലെ അംഗങ്ങൾ വിയോജനം രേഖപ്പെടുത്താനുണ്ടായ കാരണം തനിക്കറിയില്ലെന്ന് ചെയർപേഴ്സൺ ഷൈനി സണ്ണി ചെറിയാൻ പറഞ്ഞു.ബ്രഹ്മപുരം പ്ലാന്റിലുണ്ടായ തീപിടുത്തത്തിന്റെ പശ്ചാത്തലത്തിലാണ് നഗരസഭകളുടെ മാലിന്യ സംസ്കരണ ശാലകളിൽ വർഷങ്ങളായി കെട്ടിക്കിടക്കുന്ന മാലിന്യങ്ങൾ നീക്കം ചെയ്യണമെന്ന സംസ്ഥാന സർക്കാരിന്റെ കർശന നിർദ്ദേശമുണ്ടായത്.ഇതേ തുടർന്ന് തദ്ദേശസ്വയംഭരണ ജോയിന്റ് ഡയറക്ടർ കട്ടപ്പന നഗരസഭയുടെ പുളിയൻമലയിലെ പ്ലാന്റ് സന്ദർശിക്കുകയും മാലിന്യങ്ങൾ നീക്കം ചെയ്യണമെന്നും നിർദ്ദേശിച്ചിരുന്നു.കെട്ടിക്കിടക്കുന്ന മാലിന്യങ്ങൾ നീക്കം ചെയ്യുവാൻ ആറ് മാസമാണ് നഗരസഭ സമയം ആവശ്യപ്പെട്ടത്.ഇതു പ്രകാരമാണ് മാലിന്യം നീക്കം ചെയ്യുവാൻ ഇ ടെൻഡർ ക്ഷണിച്ചത്.
