ജില്ലാ ഇന്ഫര്മേഷന് ഓഫീസില് വീഡിയോ സ്ട്രിംഗര് പാനല്രൂപീകരിക്കാന് അപേക്ഷ ക്ഷണിച്ചു
സംസ്ഥാന സര്ക്കാരിന്റെയും വിവിധ വകുപ്പുകളുടെയും ഇടുക്കി ജില്ലയിലെ ഔദ്യോഗിക പരിപാടികളുടെ വീഡിയോ കവറേജ് നടത്തുന്നതിന് കരാര് അടിസ്ഥാനത്തില് പ്രവര്ത്തിക്കുന്നതിന് വീഡിയോ സ്ട്രിംഗര്മാരുടെ പാനല് തയാറാക്കുന്നു. യോഗ്യത പ്രീഡിഗ്രി-പ്രസ്ടു അഭിലഷണീയം. ദൃശ്യമാധ്യമ രംഗത്ത് കുറഞ്ഞത് ഒരു വര്ഷത്തെ പ്രവൃത്തിപരിചയം. ന്യൂസ് ക്ലിപ്പുകള് ഷൂട്ട് ചെയ്ത് എഡിറ്റ് ചെയ്ത് വോയിസ് ഓവര് നല്കി ന്യൂസ് സ്റ്റോറിയായി അവതരിപ്പിക്കുന്നതില് കുറഞ്ഞത് ഒരു വര്ഷത്തെ പരിചയം. സ്വന്തമായി ഫുള് എച്ച്.ഡി പ്രൊഫഷണല് കാമറയും നൂതനമായ അനുബന്ധ ഉപകരണങ്ങളും ഉണ്ടായിരിക്കണം. വേഗത്തില് വിഷ്വല് എഡിറ്റ് ചെയ്യുന്നതിനുള്ള സാങ്കേതിക അറിവ് ഉണ്ടായിരിക്കണം. ജില്ലയില് സ്ഥിരതാമസമുള്ള വ്യക്തിയായിരിക്കണം.
യോഗ്യത തെളിയിക്കുന്ന രേഖകളുടെ പകര്പ്പ് സഹിതമുള്ള അപേക്ഷ 2022 ഡിസംബര് ഒന്നിന് വൈകുന്നേരം അഞ്ചു വരെ ഇടുക്കി സിവില് സ്റ്റേഷനിലുളള ജില്ലാ ഇന്ഫര്മേഷന് ഓഫീസില് സ്വീകരിക്കും. തപാലിലോ, നേരിട്ടോ അപേക്ഷയും അനുബന്ധ രേഖകളും നല്കാം. പേര്, വിലാസം, വിദ്യാഭ്യാസ യോഗ്യത, ഫോണ് നമ്പര്, ഇ-മെയില് വിലാസം, കൈവശമുള്ള ഫോട്ടോഗ്രഫി ഉപകരണങ്ങളുടെ വിവരം, പ്രവൃത്തിപരിചയം എന്നിവ വെള്ളക്കടലാസില് രേഖപ്പെടുത്തി അപേക്ഷയോടൊപ്പം നല്കണം. ഐഡന്റിറ്റി തെളിയിക്കാനായി ഫോട്ടോ പതിച്ച ഏതെങ്കിലും ആധികാരിക രേഖയുടെ പകര്പ്പ്, മുന്പ് എടുത്ത/പ്രസിദ്ധീകരിച്ച മൂന്നു വീഡിയോകളുടെ ലിങ്ക് എന്നിവയും ഉള്ളടക്കം ചെയ്യണം. കൂടുതല് വിവരങ്ങള്ക്ക് ഫോണ്: 04862-233036.
