പ്രധാന വാര്‍ത്തകള്‍
റാങ്ക് ലിസ്റ്റ് പ്രസിദ്ധീകരിച്ചു
ഇടുക്കി ജില്ലയിലെ ദേവികുളം പഞ്ചായത്തിലെ എല്ലപ്പെട്ടിയിലും, ബൈസണ്‍വാലി പഞ്ചായത്തിലെ ബൈസണ്‍വാലിയിലും, പാമ്പാടുംപാറ പഞ്ചായത്തിലെ പാമ്പാടുംപാറയിലും അക്ഷയ സംരംഭകരെ തിരഞ്ഞെടുക്കുന്നതിന് നടത്തിയ ഓണ്‍ലൈന്‍ പരീക്ഷയുടേയും മുഖാമുഖത്തിന്റെയും അടിസ്ഥാനത്തില്‍ പുതുക്കിയ കരട് റാങ്ക് ലിസ്റ്റ് പ്രസിദ്ധീകരിച്ചു. അക്ഷയ വെബ് സൈറ്റിലും, ബന്ധപ്പെട്ട പഞ്ചായത്തിലും, അക്ഷയ ജില്ലാ പ്രോജക്ട് ഓഫീസിലും റാങ്ക് ലിസ്റ്റിന്റെ പകര്‍പ്പ് പ്രസിദ്ധീകരിച്ചിട്ടുണ്ട്.
കരട് റാങ്ക് ലിസ്റ്റുമായി ബന്ധപ്പെട്ട് എന്തെങ്കിലും ആക്ഷേപമുണ്ടെങ്കില്‍ ജൂണ്‍ 15 നകം ജില്ലാ കളക്ടര്‍ / അക്ഷയ ജില്ലാ പ്രോജക്ട് ഓഫീസിലോ അറിയിക്കണം. കൂടുതല്‍ വിവരങ്ങള്‍ അക്ഷയ വെബ്സൈറ്റില്‍ ലഭിക്കും. ഫോണ്‍ 04862 232215, 232209.
