എച്ച്.എസ്.എസ്.റ്റി.എ സംസ്ഥാന നേതൃത്വ പരിശീലന ക്യാമ്പ്- റെയ്സ് 2022 ആരംഭിച്ചു

വാഗമൺ : ഗവൺമെന്റ് ഹയർ സെക്കൻഡറി അധ്യാപകരുടെ സംഘടനയായ എച്ച് എസ് എസ് ടി എ യുടെ സംസ്ഥാന നേതൃത്വ പരിശീലന ക്യാമ്പ് -റെയ്സ് 2022 വാഗമൺ പൈൻ ക്ളഫ് റിസോർട്ടിൽ ആരംഭിച്ചു. എറണാകുളം ജില്ലാ പഞ്ചായത്ത് പ്രസിഡന്റ് ശ്രീ. ഉല്ലാസ് തോമസ് സമ്മേളനം ഉത്ഘാടനം ചെയ്തു.

ഹയർസെക്കൻഡറി മേഖലയുടെ നിലനിൽപ്പിനെയും അക്കാദമിക് ഔന്നത്യത്തെയും തകിടം മറിക്കുന്ന തീരുമാനങ്ങളാണ് കേന്ദ്ര-സംസ്ഥാന സർക്കാരുകൾ സ്വീകരിച്ചു കൊണ്ടിരിക്കുന്നതെന്നും,പൊതു വിദ്യാഭ്യാസത്തിന്റെ നെടുംതൂണായ ഹയർസെക്കൻഡറിയെയും വിദ്യാർഥികളുടെ ഭാവിയേയും അന്തസ്സിനെയും വെല്ലുവിളിക്കുന്ന നിലപാടുകളുമായി മുന്നോട്ടു പോകുന്ന കേന്ദ്ര-സംസ്ഥാന സർക്കാരുകളുടെ നിലപാടുകൾ അംഗീകരിക്കാനാവില്ലെന്നും ഉദ്ഘാടകൻ കൂട്ടിച്ചേർത്തു.

മൂന്ന് ദിവസം നീണ്ടുനിൽക്കുന്ന പഠന ക്യാമ്പിൽ സംസ്ഥാനത്തെ വിവിധ ജില്ലകളിൽ നിന്നുള്ള തിരഞ്ഞെടുക്കപ്പെട്ട പ്രതിനിധികളാണ് പങ്കെടുക്കുന്നത്. ഉദ്ഘാടന യോഗത്തിൽ എച്ച്.എസ്.എസ്.റ്റി.എ സംസ്ഥാന പ്രസിഡൻ്റ് സന്തോഷ്കുമാർ.എം,സംസ്ഥാന ജനറൽ സെക്രട്ടറി അനിൽ .എം.ജോർജ്, ഡോ.എസ്. എൻ മഹേഷ് ബാബു,
ഡോ. സാബുജി വർഗീസ്, അയിര സുനിൽകുമാർ,ഡോ. ശേഖർ .എസ്, സുനിൽ ടി.സി, ജയപ്രദീപ് വി.എം, അജേഷ്.കെ.റ്റി തുടങ്ങിയവർ സംസാരിച്ചു.