പതിനൊന്ന് ദിവസം മുൻപ് കാണാതായ ഇടുക്കി സ്വദേശിയുടെ മൃതദേഹം കണ്ടെത്തി…

കട്ടപ്പന:കൈതപ്പതാൽ ഇരട്ടമുണ്ടയിൽ റെജി ജോസഫ് (48) ന്റെ മൃതദേഹമാണ് പുഴയരികിൽ കണ്ടെത്തിയത്. ബുധനാഴ്ച്ച വൈകിട്ട് നാലാം മൈൽ കൈപ്പതാൽ ബോർഡ് ഭാഗത്ത് ചിന്നാർ തോടിന്റെ സമീപത്താണ് മൃതദേഹം കാണപ്പെട്ടത്.ഇയാളെ 11 ദിവസം മുമ്പ് വീട്ടിൽ നിന്ന് കാണാതാവുകയായിരുന്നു. തുടർന്ന് വീട്ടുകാർ പോലീസിൽ പരാതി നൽകിയിരുന്നു. സാധാരണ ഇടയ്ക്കിടെ വീട്ടിൽ പറയാതെ പോകുന്ന പതിവുണ്ടായിരുന്നു റെജി ജോസഫിന്. പോയി കഴിഞ്ഞാൽ രണ്ട് മൂന്ന് ദിവസം കഴിഞ്ഞ് തിരികെ വരുമായിരുന്നു. എന്നാൽ ഇത്രയും ദിവസം കഴിഞ്ഞിട്ടും വരാതിരുന്നതിനാൽ ബന്ധുക്കളും നാട്ടുകാരും ഊർജിതമായി തിരച്ചിൽ ആരംഭിച്ചിരുന്നു. ഇതിനിടെയാണ് മൃതദേഹം കണ്ടെത്തിയത്. ഇതേ സ്ഥലത്ത് റെജിയെ കാണാതായ അന്ന് തന്നെ ഇദ്ദേഹത്തിൻ്റെ സ്കൂട്ടർ കണ്ടെത്തിയിരുന്നു. ഇടുക്കി മെഡിക്കൽ കോളേജിൽ പോസ്റ്റ്മോർട്ടത്തിന് ശേഷം നാലാം മൈൽ സെന്റ് ജോർജ് ദൈവാലയത്തിൽ സംസ്കരിച്ചു. ഭാര്യ ലെനി (ചീന്തലാർ എൽ.പി സ്കൂൾ അധ്യാപിക).മക്കൾ വിദ്യാർത്ഥിനികളായ മെറീന, ക്രിസ്റ്റീന, ആദ്രിയ.