യൂണിഫോമിൽ മതപരമായ ചടങ്ങുകളിലും ആഘോഷങ്ങളിലും പങ്കെടുക്കരുത്; പൊലീസുകാർക്ക് സര്ക്കുലർ
പൊലീസ് ഉദ്യോഗസ്ഥര് ഔദ്യോഗിക വേഷത്തില് മതപരമായ ചടങ്ങുകളിലും ആഘോഷങ്ങളിലും പങ്കെടുക്കരുതെന്ന നിര്ദേശവുമായി ഡിജിപി. ഇത് സംബന്ധിച്ച് സര്ക്കുലര് പുറത്തിറക്കി. നിരവധി പരാതികള് ഉയര്ന്ന പശ്ചാത്തലത്തിലാണ് നടപടി.
പൊലീസ് സേനയില്പ്പെട്ട ഉദ്യോഗസ്ഥര് നിയമപരിപാലനത്തിനല്ലാതെ മതപരമായ ചടങ്ങുകളിലും ആഘോഷങ്ങളിലും ഔദ്യോഗിക വേഷത്തില് പങ്കെടുക്കുന്നത് ഒഴിവാക്കണം എന്നാണ് നിര്ദേശം. നേരത്തെ പൊലീസ് ഉദ്യോഗസ്ഥര് ഇത്തരത്തില് പരിപാടികളില് പങ്കെടുക്കുകയും റീല്സ് ചിത്രീകരിച്ച് സമൂഹമാധ്യമങ്ങളില് പങ്കുവെയ്ക്കുകയും ചെയ്തിരുന്നു. ഈ സാഹചര്യത്തിലാണ് നടപടി.
ഔദ്യോഗികമായ ക്രമസമാധാന പാലനത്തിലല്ലാതെ ഇത്തരത്തില് യൂണിഫോം ധരിച്ചുകൊണ്ട് മറ്റുമതപരമായ ചടങ്ങുകളിലോ ആഘോഷങ്ങളിലോ പങ്കെടുക്കാന് പാടില്ല. സിവില് പൊലീസ് ഉദ്യോഗസ്ഥര് മുതല് ഉന്നത ഉദ്യോഗസ്ഥര് വരെയുള്ളവര്ക്ക് നിർദേശവുമായാണ് ഡിജിപി സര്ക്കുലര് പുറത്തിറക്കിയിരിക്കുന്നത്.
