മയിലുകള് മഴക്കാലത്ത് നൃത്തം ചെയ്യുന്നത് എന്തുകൊണ്ടാണെന്ന് അറിയാമോ?
മയിലുകള് പീലിവിരിച്ച് നൃത്തം ചെയ്യുന്നത് മഴക്കാലത്തെ ഏറ്റവും മനോഹരമായ കാഴ്ചകളില് ഒന്നാണ്. കാലങ്ങളായി ആളുകള് ഈ മനോഹരമായ കാഴ്ചയെ മഴയുടെ വരവുമായി ബന്ധപ്പെടുത്തിയാണ് പറയാറ്. മയിലുകള് മഴക്കാലത്ത് മാത്രമേ പീലിവിരിച്ച് നൃത്തം ചെയ്യാറുള്ളോ? എന്തായിരിക്കും മഴയും മയിലിന്റെ നൃത്തവുമായുള്ള ബന്ധം?.
മയിലിന്റെ നൃത്തം മഴയോടുള്ള മാന്ത്രിക പ്രതികരണമല്ല. മറിച്ച് പ്രത്യുല്പാദനം, കാലാവസ്ഥ, അതിജീവനം എന്നിവയുമായി ബന്ധപ്പെട്ട ഒരു സ്വാഭാവിക കാര്യമാണെന്നാണ് ശാസ്ത്രം പറയുന്നത്. മയിലുകളുടെ ജീവിതചക്രത്തില് മഴക്കാലം ഒരു പ്രധാന പങ്ക് വഹിക്കുന്നു.
മണ്സൂണ് പ്രജനന കാലമാണ്
മയിലുകള് നൃത്തം ചെയ്യുന്നതിനുള്ള പ്രധാന കാരണം മഴക്കാലം അവയുടെ പ്രധാന ഇണചേരല് കാലമാണ് എന്നതാണ്. ഈ സമയത്ത് ആണ് മയിലുകള് പെണ് മയിലുകളെ ആകര്ഷിക്കാന് ശ്രമിക്കുന്നു. മനോഹരമായ പീലികള് വിരിച്ചും, ആടിയും അവ ഇണകളെ ആകര്ഷിക്കുന്നു. അവയുടെ ആകര്ഷണീയതയും ഊര്ജ്ജസ്വലതയും കൂടുംതോറും പെണ് മയിലുകളുടെ ശ്രദ്ധ ലഭിക്കാനുള്ള സാധ്യതയും വര്ദ്ധിക്കും.
ആരോഗ്യത്തിന്റെയും ശക്തിയുടെയും പ്രകടനം
മയിലിന്റെ നൃത്തം വെറുമൊരു ആംഗ്യമല്ല. ഒരു ആണ് മയില് തൂവലുകള് വിടര്ത്തുമ്പോള് അത് യഥാര്ത്ഥത്തില് അതിന്റെ ശാരീരികക്ഷമത, ശക്തി, ജനിതക ഗുണം എന്നിവ പ്രകടിപ്പിക്കുകയാണ്. തിളക്കമുള്ളതും അടുക്കിവച്ചതുമായ തൂവലുകള്, ഊര്ജ്ജസ്വലമായ പ്രകടനം എന്നിവ ആരോഗ്യമുള്ള പക്ഷിയുടെ ലക്ഷണത്തെ സൂചിപ്പിക്കുന്നു. പെണ് മയിലുകള് പലപ്പോഴും ഈ ഗുണങ്ങളെ അടിസ്ഥാനമാക്കിയാണ് ഇണയെ തെരഞ്ഞെടുക്കുന്നത്.
ചൂട് വീണ്ടെടുക്കല്
മണ്സൂണ്, കാലാവസ്ഥയില് സുഖകരമായ മാറ്റം കൊണ്ടുവരുന്നു. ആഴ്ചകളോളം നീണ്ടുനിന്ന കടുത്ത ചൂടിനുശേഷം തണുത്ത കാലാവസ്ഥ അനുഭവപ്പെടുന്നു. കാലാവസ്ഥയിലെ ഈ സുഖകരമായ മാറ്റം മയിലുകളെ കൂടുതല് സജീവവും ഊര്ജ്ജസ്വലരുമാക്കുന്നു. അതിനാല് മഴയ്ക്ക് മുമ്പും ശേഷവും മയിലുകള് പലപ്പോഴും നൃത്തം ചെയ്യാറുണ്ട്.
ഭക്ഷണ ലഭ്യത
മഴക്കാലം ഭക്ഷണ ലഭ്യത വര്ദ്ധിപ്പിച്ചുകൊണ്ട് പരിസ്ഥിതിയെ മാറ്റുന്നു. മഴക്കാലത്ത് പ്രാണികള്, മണ്ണിരകള്, വിത്തുകള്, ചെറുജീവികള് എന്നിവ സമൃദ്ധമായി കാണപ്പെടുന്നു. ഭക്ഷണം സുലഭമായി ലഭ്യമാകുന്നതിനാല് മയിലുകള്ക്ക് ഇണചേരല്, തൂവലുകളുടെ ഭംഗി പ്രദര്ശിപ്പിക്കല്, മറ്റ് പ്രവര്ത്തനങ്ങള് എന്നിവയ്ക്ക് കൂടുതല് ഊര്ജ്ജം ലഭിക്കും.
