ഓൺലൈൻ ലോൺ ആപ്പുകളിൽ നിങ്ങളുടെ സ്വകാര്യത പണയം വെക്കരുത്

​ഇന്നത്തെ കാലത്ത് സോഷ്യൽ മീഡിയ വഴിയെത്തുന്ന ലിങ്കുകളിൽ ക്ലിക്ക് ചെയ്ത് ലോൺ ആപ്പുകൾ ഡൗൺലോഡ് ചെയ്യുന്നത് വലിയ അപകടത്തിലേക്ക് നയിക്കാം. അൽപ്പം ശ്രദ്ധിച്ചാൽ നമുക്ക് ഇത്തരം തട്ടിപ്പുകളിൽ നിന്ന് രക്ഷനേടാം.
​
ആപ്പുകൾ ഇൻസ്റ്റാൾ ചെയ്യുമ്പോൾ കോൺടാക്റ്റ് വിവരങ്ങളും ഗ്യാലറിയും ആക്സസ് ചെയ്യാൻ അനുവാദം ചോദിച്ചാൽ ഒരിക്കലും നൽകരുത്.

​ലോൺ തിരിച്ചടയ്ക്കാൻ വൈകിയാൽ നിങ്ങളുടെ സ്വകാര്യ ഫോട്ടോകളും വിവരങ്ങളും ദുരുപയോഗം ചെയ്ത് അവർ നിങ്ങളെ ബ്ലാക്ക് മെയിൽ ചെയ്തേക്കാം.

അജ്ഞാതമായ ലിങ്കുകളിൽ നിന്നും ലോൺ ആപ്പുകൾ ഡൗൺലോഡ് ചെയ്യുന്നത് ഒഴിവാക്കുക.

​നിങ്ങളുടെ ഫോണിലെ വിവരങ്ങളാണ് അവരുടെ ആയുധം. അനാവശ്യമായ ആപ്പുകൾ ഇൻസ്റ്റാൾ ചെയ്യരുത്.

​ഏതെങ്കിലും തരത്തിലുള്ള ഓൺലൈൻ സാമ്പത്തിക തട്ടിപ്പിന് ഇരയായാൽ ഒരു മണിക്കൂറിനകം ഈ വിവരം സൈബർ ഹെല്പ് ലൈൻ നമ്പറായ 1930 ലോ www.cybercrime.gov.in എന്ന വെബ്സൈറ്റിലോ അറിയിക്കുക.