കട്ടപ്പനയിൽ മാർ സ്ലീവാ മെഡിസിറ്റിയുടെ നേതൃത്വത്തിൽ ആംബുലൻസ് ‍ഡ്രൈവർമാർക്കായി പരിശീലനം സംഘടിപ്പിച്ചു

പാലാ മാർ സ്ലീവാ മെഡിസിറ്റിയുടെ നേതൃത്വത്തിൽ ആംബുലൻസ് ഡ്രൈവർമാർക്കും പാരാമെഡിക്കൽ സ്റ്റാഫിനുമായി ബേസിക് ലൈഫ് സപ്പോർട്ട്, അടിയന്തര ഘട്ടങ്ങളിൽ പാലിക്കേണ്ട രോ​ഗീപരിചരണം എന്നീ വിഷയങ്ങളിൽ സൗജന്യ പരിശീലന ക്ലാസ്സ് നടത്തി. ​ ഹൃദ്രോ​ഗം, അപകടം, സ്ട്രോക്ക് തുടങ്ങിയ വിവിധ അടിയന്തര ഘട്ടങ്ങളിൽ രോഗികളെ ആശുപത്രിയിലേക്ക് മാറ്റുമ്പോൾ ശ്രദ്ധിക്കേണ്ട കാര്യങ്ങളെക്കുറിച്ചും പരിശീലനം നൽകി.

കട്ടപ്പന, മുരിക്കാശ്ശേരി, നെടുങ്കണ്ടം തുടങ്ങിയ വിവിധ സ്ഥലങ്ങളിലെ ആംബുലൻസ് ‍ഡ്രൈവർമാരും പാരമെഡിക്കൽ സ്റ്റാഫും പരിശീലനത്തിൽ പങ്കെടുത്തു. മാർ സ്ലീവാ മെഡിസിറ്റി എമർജൻസി വിഭാ​ഗം ഹെഡ് ശ്രീജിത്ത് .ആർ.നായർ പരിശീലനത്തിന് നേതൃത്വം നൽകി. അസി.മാനേജർ അനൂപ് ജോർജ്ജ് നന്ദി അറിയിച്ചു.