ഇരട്ടയാർ ശാന്തി ഗ്രാമിൽ പിക്കപ്പ് ജീപ്പ് ഇടിച്ച് നാലു വയസ്സുള്ള ശ്രാവൺ മരിച്ചു.

ഇന്നു വൈകിട്ട് ഏകദേശം 3 40 ഓടെയാണ് സംഭവം നടന്നത്. SHG കൂടിയതിനു ശേഷം മാലതിയും അമ്പാടി എന്ന് വിളിപ്പേരുള്ള ശ്രാവണും വഴിയരികിൽ നിൽക്കുകയായിരുന്നു. അവിടെ നിർത്തിയിട്ടിരുന്ന പിക്കപ്പ് ജീപ്പിൻറെ മുൻപിൽ കുട്ടി നിന്നത് അറിയാതെ ഡ്രൈവർ വാഹനം എടുത്ത് മുന്നോട്ടു പോയപ്പോഴാണ് അപകടം സംഭവിച്ചത്. ഇരട്ടയാർ ശാന്തിഗ്രാം നാല് സെൻറ് കോളനിയിൽ ഒഴത്തിൽ അനൂപ് മാലതി ദമ്പതികളുടെ ഇളയ മകനാണ് ശ്രാവൺ. പിക്കപ്പ് വാഹനം നിർത്താതെ ഓടിച്ച് പോകുകയായിരുന്നു ചെയ്തത്.