കട്ടപ്പനയിൽ നിന്നും രണ്ട് പുതിയ സർവിസുകൾ: മന്ത്രി റോഷി അഗസ്റ്റിൻ ഫ്ലാഗ് ഓഫ് ചെയ്തു
![](/wp-content/uploads/2024/07/WhatsApp-Image-2024-07-15-at-18.27.45_bb642840.jpg)
![](/wp-content/uploads/2024/01/Banner-min-1.jpg)
കട്ടപ്പന ഡിപ്പോയിൽ നിന്നും കെ.എസ്.ആർ.ടി.സി രണ്ട് പുതിയ സർവിസുകൾ ആരംഭിച്ചു. ബസ് ഡിപ്പോ പരിസരത്ത് നടന്ന പരിപാടിയിൽ മന്ത്രി റോഷി അഗസ്റ്റിൻ ഫ്ലാഗ് ഓഫ് ചെയ്തു. രാത്രി 8 മണിക്ക് കട്ടപ്പനയിൽ നിന്ന് ആരംഭിച്ച് തങ്കമണി ,ചെറുതോണി ( 9 :10 PM ) തൊടുപുഴ (11 :30 PM ) വഴി രാത്രി 1 :30 നു എറണാകുളം എത്തിച്ചേരും.രാവിലെ 6 :50 നു എറണാകുളത്തു നിന്ന് ആരംഭിച്ച് ആലുവ, പെരുമ്പാവൂർ , കോതമംഗലം (8 :40 ) , ചെറുതോണി (11 :05 ) , ഇടുക്കി വഴി 12 മണിക്ക് കട്ടപ്പന തിരികെ എത്തും. 185 രൂപയാണ് എറണാകുളം വരെയുള്ള ബസ് ഫെയർ .
രണ്ടാമത്തെ ബസ് സർവീസ് ഉച്ചയ്ക്ക് 1 : 50 നു കട്ടപ്പനയിൽ നിന്നും ആരംഭിച്ച് തൂക്കുപാലം വഴി നെടുങ്കണ്ടം എത്തി ചേർന്ന് തിരികെ 4 :05 നു കട്ടപ്പന എത്തിച്ചേരുകയും 4 : 35 നു കട്ടപ്പനയിൽ നിന്നും പുറപ്പെട്ട് ചെറുതോണി (5 :35 ) കോതമംഗലം ( 7 :50 ) വഴി രാത്രി 9 :40 നു എറണാകുളത്ത് എത്തി ചേരും .തിരികെ രാവിലെ 5 :20 നു ആരംഭിച്ച് കോലഞ്ചേരി മുവാറ്റുപുഴ വഴി 7 : 30 നു തൊടുപുഴയിലും മൂലമറ്റം വഴി 9 : 50 നു ചെറുതോണിയിലും തിരികെ 10 : 45 നു കട്ടപ്പനയിലെ എത്തി ചേരും വിധമാണ് റൂട്ടുകൾ ക്രമീകരിച്ചിട്ടുള്ളത് .198 രൂപയാണ് ഒരു വശത്തേക്കുള്ള ഫെയർ. പരിപാടിയിൽ കട്ടപ്പന നഗരസഭ ചെയർപേഴ്സൺ ബീന ടോമി അധ്യക്ഷത വഹിച്ചു.വൈസ് ചെയർമാൻ അഡ്വ കെ ജെ ബെന്നി, കൗൺസിലർമാരായ ഷാജി കൂത്തോടി ,സജിമോൾ ഷാജി , കെ എസ് ആർ ടി സി കട്ടപ്പന യൂണിറ്റ് എ.ടി.ഓ മാണി ജേക്കബ് തുടങ്ങിയവർ പങ്കെടുത്തു.