അയൽവാസിയുട പറമ്പിലെ മരം ഒടിഞ്ഞ് ചുമട് തൊഴിലാളിയുടെ വീടിന്റെ മേൽ കൂര തകർന്നു

ഏലപ്പാറ അണ്ണൻ തമ്പി പുതുവൽ സ്വദേശി ജഗദിഷിന്റെ വീടിന് മുകളിലാണ് കഴിഞ്ഞ ദിവസം രാത്രി മരം വീണത്.
നാല് മാസം മുൻപ് പറമ്പിന്റെ ഉടമയോട് മരം മുറിച്ച് നീക്കണമെന്നു പറഞ്ഞിരുന്നു.
എന്നാൽ തന്റെ പറമ്പിന്റെ ഉടമസ്ഥ അവകാശത്തെ ചൊല്ലി കോടതിയിൽ കേസ് നടക്കുന്നതിനാൽ മരം മുറിക്കാൻ കഴിയില്ലയെന്ന് പറഞ്ഞ് ഉടമ ഒഴിഞ്ഞു മാറി.

ജഗദീഷിന്റെ വീടിന്റെ മേൽകൂരയിലെ ഷീറ്റുകൾ തകർന്നു. മഴയിൽ വീടിനുള്ളിൽ മഴ വെള്ളത്തിൽ ഉപകരണങ്ങൾ നശിച്ചു.

തലനാരിയാണ് ജഗദീഷും കുടുംബവും അപകടത്തിൽ നിന്നും രക്ഷപ്പെട്ടത്.
കാലവർഷക്കെടുതിയിൽ സർക്കാരിന്റെ ധനസഹായം ലഭിക്കുന്നതിനായി
ഏലപ്പാറ വില്ലേജിൽ അപേക്ഷ സമർപ്പിച്ചു.

റവന്യൂ അധികാരികൾ സ്ഥലം സന്ദർശിച്ച് റിപ്പോർട്ട് തയ്യാറാക്കി.
ഇതിനിടയിൽ ജഗദീഷ് പീരുമേട് പോലീസിൽ തന്റെ അയൽവാസി ക്കെതിരെ പരാതി നൽകാൻ തിരുമാനിച്ചു.