കട്ടപ്പന ബ്ലോക്ക് പഞ്ചായത്ത് ഓഫീസിന് മുന്നിൽ സംഘർഷം; രണ്ടുപേർക്ക് മർദ്ദനമേറ്റു

കട്ടപ്പന ബ്ലോക്ക് പഞ്ചായത്തിന് ഓഫീസിന് മുന്നിലുണ്ടായ സംഘർഷത്തിൽ രണ്ടുപേർക്ക് പരിക്കേറ്റു. മദ്യലഹരിയിലെത്തിയ കട്ടപ്പന ബ്ലോക്ക് പഞ്ചായത്ത് ബി.ഡി.ഒ ആണ് മർദ്ദിച്ചതെന്ന് പരിക്കേറ്റവർ പറഞ്ഞു. മദ്യലഹരിയിൽ എത്തിയ ബി.ഡി.ഒ വാഹനം മാറ്റുന്നതുമായി ബന്ധപ്പെട്ട് ഇരട്ടയാർ ഗ്രാമ പഞ്ചായത്തിൻ്റെ വാഹനത്തിലെ ഡ്രൈവർ ഐവിനെ മർദ്ദിക്കുകയായിരുന്നു. തടയാനെത്തിയ ഐ.സി.ഡി.എസ് ഓഫീസ് അസിസ്റ്റൻ്റും ഇരട്ടയാർ സ്വദേശിയുമായ അറയ്ക്കൽ ഷാജിയെയും ബി.ഡി.ഒ ക്രൂരമായി മർദ്ദിച്ചതായി പരാതിയിൽ പറയുന്നു. മദ്യലഹരിയിലായിരുന്ന ബി.ഡി.ഒ ഭീകരാന്തരീക്ഷം സൃഷ്ടിച്ചതായും ദൃക്സാക്ഷികൾ പറഞ്ഞു.ശരീരമാസകലം മർദ്ദനമേറ്റ ഷാജിയും ഐവിനും കട്ടപ്പന താലൂക്ക് ആശുപത്രിയിൽ ചികിത്സ തേടി.കട്ടപ്പന പോലീസ് മേൽ നടപടികൾ സ്വീകരിച്ചു…