ഡ്രൈഡേയിൽ മദ്യവിൽപ്പന .യുവാവ് അറസ്റ്റിൽ
നെടുങ്കണ്ടം: ലോക്സഭ ഇലക്ഷൻ ഡ്രൈവിൻ്റെ ഭാഗമായി പൂപ്പാറ ഭാഗത്ത് ഉടുമ്പഞ്ചോല അസി.എക്സൈസ് ഇൻസ്പെക്ടർ യൂനസ് ഇ എച്ച് ൻ്റെ നേതൃത്വത്തിലായി നടത്തിയപരിശോധനയിൽ 12 ലിറ്റർ വിദേശമദ്യവുമായി ഡ്രൈഡേയിൽ വിൽപ്പനക്കിടെ ഒരാളെ അറസ്റ്റ് ചെയ്തു. പൂപ്പാറ ഗാന്ധിനഗർ കോളനിയിൽ പാറയടിയിൽ കാശിയുടെ മകൻ മാരിമുത്തുവിനെയാണ് അറസ്റ്റ് ചെയ്തത്.. ഇയാളുടെ വീടിന് സമീപമാണ് മദ്യം സൂക്ഷിച്ചിരുന്നത്.. അര ലിറ്റർ മദ്യം 750 രൂപയ്ക്കാണ് വിറ്റുകൊണ്ടിരുന്നത്.. ഉടുമ്പഞ്ചോല റേഞ്ചിൽ ഡ്രൈഡേ ദിവസങ്ങളിൽ അമിതമായി മദ്യം ശേഖരിച്ച് കൂടിയ ലാഭത്തിൽ വിൽക്കുന്നതായി ലഭിച്ച പരാതിയെ തുടർന്നാണ് എക്സൈസ് സംഘം നടത്തിയ പരിശോധനയിൽ മാരിമുത്തു കുടുങ്ങിയത്.. റെയ്ഡിൽ പ്രിവൻ്റീവ് ഓഫീസർ (ഗ്രേഡ്)മാരായ മീരാൻ കെ എസ് ,ജോഷി വി ജെ ,അരുൺ എം എസ് ,കെ രാധാകൃഷ്ണൻ ,ബൈജു സോമരാജ്, വനിത സിവിൽ എക്സൈസ് ഓഫീസർ രേഖാ ജി എന്നിവരാണ് പങ്കെടുത്തത്.. പ്രതിയെ നെടുങ്കണ്ടം കോടതിയിൽ ഹാജരാക്കുന്നതാണ്.
