ഏലക്ക മോഷ്ടിച്ച കേസിൽ യുവാവ് അറസ്റ്റിൽ ‘ഗൂഡല്ലൂർ സ്വദേശി അറസ്റ്റിൽ

നെടുകണ്ടം : സ്റ്റോറിൽ നിന്നും ഏലക്ക മോഷ്ടിച്ച കേസിൽ യുവാവ് അറസ്റ്റിൽ ‘ഗൂഡല്ലൂർ സ്വദേശി മോഹനൻ (38) നെയാണ് നെടുങ്കണ്ടം പൊലീസ് അറസ്റ്റ് ചെയ്തത്. മാർച്ച് 13 ന് പുഷ്പക്കണ്ടത്തെ നിസാം രാജ സ്റ്റോറിൽ സൂക്ഷിച്ചിരുന്ന 8 ചാക്ക് ഏലക്കയിൽ നിന്നും ഒരു ചാക്ക് ഏലക്ക യാണ് മോഷ്ടിച്ചത്.
മോഹനൻ ഈ സ്റ്റോറിലെ ജോലിക്കാരനായിരുന്നു. നെടുങ്കണ്ടം എസ്.ഐ. ടി.എസ് ജയ കൃഷ്ണൻ്റെ നേതൃത്വത്തിൽ അറസ്റ്റ് ചെയ്ത മോഹനനിൽ നിന്നും തെളിവെടുപ്പ് നടത്തി. ഏലക്ക വിൽപ്പന നടത്തിയ നെടുങ്കണ്ടത്തെ മലഞ്ചർക്ക് കടയിൽ നിന്നും ഏലക്ക കണ്ടെടുത്തു. മോഹനനെ റിമാൻ്റ് ചെയ്തു.