കമ്പിളികണ്ടത്ത് 16 ലിറ്റർ ചാരയവുമായി രണ്ട് പേർ പിടിയിൽ

March 10, 2024

1,207

ഇടുക്കി എക്സൈസ് സ്പെഷ്യൽ സ്‌ക്വാഡ് അസിസ്റ്റന്റ് എക്സൈസ് ഇൻസ്‌പെക്ടർ (G) നെബു.A.C യും പാർട്ടിയും കമ്പിളികണ്ടം ഭാഗത്ത്‌ നടത്തിയ പരിശോധനയിൽ KL 38 D 85 നമ്പർ ഹോണ്ട ആക്ടിവ സ്കൂട്ടറിൽ 16 ലിറ്റർ ചാരായം കടത്തിക്കൊണ്ട് വന്ന കുറ്റത്തിന് ഇടുക്കി താലൂക്കിൽ കൊന്നത്തടി വില്ലേജിൽ മുക്കുടം കരയിൽ മേലേത്ത് വീട്ടിൽ വർഗീസ് മകൻ ജോസ് (60/24), ഇടുക്കി താലൂക്കിൽ കൊന്നത്തടി വില്ലേജിൽ കമ്പിളികണ്ടം കരയിൽ മൂലേപ്പറമ്പിൽ വീട്ടിൽ തോമസ് മകൻ ഷാജി തോമസ് (56/24) എന്നിവരെ അറസ്റ്റ് ചെയ്തു കേസെടുത്തു.ചാരായം വിറ്റ വകയിൽ ടിയാന്മാരുടെ കൈയിൽ നിന്നും തൊണ്ടിമണിയായി 5000/-രൂപയും പിടിച്ചെടുത്തു.പ്രതികളെയും തൊണ്ടിവകകളും കേസ് രേഖകളും തുടർനടപടികൾക്കായി ERO തങ്കമണിയിൽ ഹാജരാക്കി. പരിശോധനയിൽ AEI(G) തോമസ് ജോൺ, PO(G) ഷിജു.P.K, CEO ആൽബിൻ, WCEO അശ്വതി,എക്സൈസ് ഡ്രൈവർ ശശി.P.Kഎന്നിവർ പങ്കെടുത്തു.