നാട്ടുവാര്‍ത്തകള്‍
10 ലിറ്റര്‍ ചാരായം പിടികൂടി
നെടുങ്കണ്ടം: എക്സൈസ് സംഘം നടത്തിയ പരിശോധനയില്‍ ചേറ്റുകുഴിയില്‍ നിന്നും 10 ലിറ്റര്‍ ചാരായം പിടികൂടി. പാലകുളത്തില്‍ ഷിജു സോമന്റെ പുരയിടത്തില്‍ വില്‍പനക്കായി സൂക്ഷിച്ചിരുന്ന ചാരായമാണ് കണ്ടെത്തിയത്. ഉടുമ്പന്‍ചോല അസിസ്റ്റന്റ് എക്സൈസ് ഇന്‍സ്പെക്ടര്‍ എസ്. സിയാദിന്റെ നേതൃത്വത്തില്‍ നടന്ന പരിശോധനയില്‍ പ്രിവന്റീവ് ഓഫീസര്‍ കെ.ആര്‍. ബാലന്‍, ഇന്റലിജിന്‍സ് ബ്യുറോ പ്രിവന്റീവ് ഓഫീസര്‍ ഷിജു ദാമോദരന്‍, സിവില്‍ എക്സൈസ് ഓഫീസര്‍മാരായ റോണി ആന്റണി, അരുണ്‍ മുരളീധരന്‍, പി.എം. അമല്‍, ടില്‍സ് ജോസഫ്, ജി. രേഖ, വി.പി. ബിലേഷ് എന്നിവര്‍ പങ്കെടുത്തു.
