നാട്ടുവാര്‍ത്തകള്‍
മൊബൈല്‍ ഫോണ്‍ വിതരണം ചെയ്തു
കട്ടപ്പന: ഓണ്‍ലൈന്‍ പഠനത്തിനു ബുദ്ധിമുട്ട് നേരിടുന്ന തൊപ്പിപ്പാള എസ്.എന്‍. ഇംഗ്ലീഷ് മീഡിയം സ്‌കൂളിലെ വിദ്യാര്‍ഥികള്‍ക്ക് പഠനാവശ്യത്തിനായി 12 മൊബൈല്‍ ഫോണുകള്‍ വിതരണം ചെയ്തു. കോട്ടയം സ്വദേശികളായ പ്രവാസി മലയാളികളായ വിജയ് കുമാര്‍, ജോമോന്‍ ജോസഫ്, സുനില്‍ ജോസ്, അരുണ്‍ ഗോവിന്ദ്, അമല്‍ ജെയിംസ് എന്നിവരാണ് ഫോണ്‍ വാങ്ങി നല്‍കിയത്. കാഞ്ചിയാര്‍ പഞ്ചായത്ത് പ്രസിഡന്റ് സുരേഷ് കുഴിക്കാട്ട് മൊബൈല്‍ ഫോണുകളുടെ വിതരണം നിര്‍വഹിച്ചു.
സ്‌കൂള്‍ മാനേജര്‍ കെ.സ്. ബിജു, പ്രിന്‍സിപ്പല്‍ പി. വൈശാഖ്, പഞ്ചായത്ത് അംഗം തങ്കമണി സുരേന്ദ്രന്‍, മാനേജ്‌മെന്റ് സെക്രട്ടറി വി.വി. ഷാജി, പി.ടി.എ പ്രതിനിധി ജയരാജ്, രക്ഷകര്‍ത്താക്കള്‍, അധ്യാപകര്‍ തുടങ്ങിയവര്‍ പങ്കെടുത്തു.
