മലങ്കര മാര്‍ത്തോമ സുറിയാനി സഭ കുമളി സെന്റര്‍ സന്നദ്ധ സുവിശേഷ സംഘത്തിന്റെ നേതൃത്വത്തില്‍ നാലാമത് ഹൈറേഞ്ച് മാര്‍ത്തോമ കണ്‍വന്‍ഷന്‍ 27 മുതല്‍ 29വരെ നടക്കും
ഏലപ്പാറ ശാലേം മാര്‍ത്തോമ ഇടവക, നെടുങ്കണ്ടം ഇമ്മാനുവേല്‍ മാര്‍ത്തോമ ഇടവക, കട്ടപ്പന ബഥേല്‍ മാര്‍ത്തോമ ഇടവക എന്നീ ദേവാലയങ്ങളിലാണ് കണ്‍വന്‍ഷന്‍ നടക്കുന്നത്. 27ന് വൈകിട്ട് ആറിന് ഏലപ്പാറ ശാലേം പള്ളിയില്‍ ഗാന ശുശ്രൂഷയോടെ ആരംഭിക്കുന്ന യോഗത്തില്‍ സന്നദ്ധ സുവിശേഷ സംഘം ജനറല്‍ സെക്രട്ടറി റവ. പി.സി. ജെയിംസ് ഉദ്ഘാടനം നിര്‍വഹിക്കും. കുമളി സെന്റര്‍ ഗായക സംഘം ഗാന ശുശ്രൂഷയ്ക്ക് നേതൃത്വം നല്‍കും. 28ന് വൈകിട്ട് ആറിന് നെടുങ്കണ്ടം ഇമ്മാനുവേല്‍ പള്ളിയിലാണ് കണ്‍വന്‍ഷന്‍ നടക്കുന്നത്. യോഗങ്ങളില്‍ റവ. ജോര്‍ജ് മാത്യു കരിക്കം വചന ശുശ്രൂഷയ്ക്ക് നേതൃത്വം നല്‍കും. 29ന് രാവിലെ 8.30ന് കട്ടപ്പന ബഥേല്‍ മാര്‍ത്തോമ ഇടവകയില്‍ നടക്കുന്ന കുര്‍ബാനനയില്‍ റൈറ്റ്. റവ. ഡോ. എബ്രഹാം മാര്‍ പൗലോസ് എപ്പിസ്‌കോപ്പ കാര്‍മികത്വം വഹിക്കുകയും സമാന സന്ദേശം നല്‍കുകയും ചെയ്യുമെന്ന് റവ. ജെയിംസ് കെ. ജോണ്‍, റവ. ബെനിന്‍ സാം തോമസ്, റവ. റിറ്റോ റെജി, റോബിന്‍ പി. ഐസക്, നിഥിന്‍ തോമസ് എന്നിവര്‍ പറഞ്ഞു.
