Idukki വാര്‍ത്തകള്‍കേരള ന്യൂസ്പ്രധാന വാര്‍ത്തകള്‍പ്രാദേശിക വാർത്തകൾ
സ്‌കൂള്‍ വിദ്യാര്‍ഥിനിയെ ലൈംഗികമായി ഉപദ്രവിച്ച ഓട്ടോറിക്ഷ ഡ്രൈവറെ അറസ്റ്റ് ചെയ്തു
കട്ടപ്പന
സ്‌കൂള്‍ വിദ്യാര്‍ഥിനിയെ ലൈംഗികമായി ഉപദ്രവിച്ച ഓട്ടോറിക്ഷ ഡ്രൈവറെ അറസ്റ്റ് ചെയ്തു. ഐടിഐകുന്ന് പ്ലാപ്പറ സാബു ചാക്കോ(54) യാണ് ചൊവ്വാഴ്ച പിടിയിലായത്. ഒരുവര്‍ഷമായി വിദ്യാര്‍ഥിനിയെ സ്‌കൂളിലെത്തിക്കുന്നതും തിരികെ വീട്ടില്‍ കൊണ്ടുപോയി വിടുന്നതും സാബുവാണ്. കഴിഞ്ഞദിവസം മറ്റ് കുട്ടികളെ വീടുകളില്‍ ഇറക്കിയശേഷം പെണ്‍കുട്ടിയെ ഓട്ടോറിക്ഷയില്‍ ഒഴിഞ്ഞ സ്ഥലത്തുകൊണ്ടുപോയ ഡ്രൈവര്‍ ചോക്ലേറ്റ് നല്‍കി ഉപദ്രവിച്ചുവെന്നാണ് പരാതി. വീട്ടിലേക്ക് പോകാന്‍ മടിച്ച പെണ്‍കുട്ടിയെ സ്‌കൂളില്‍ തിരികെ കൊണ്ടുപോയിവിട്ടു. പിന്നീട് അച്ഛനെ വിളിച്ചുവരുത്തി വിവരമറിയിച്ചശേഷം തിരികെ വീട്ടിലേക്ക് മടങ്ങി. രക്ഷിതാക്കള്‍ നല്‍കിയ പരാതിയില്‍ കട്ടപ്പന എസ്എച്ച്ഒ ടി സി മുരുകന്‍ ഓട്ടോറിക്ഷ ഡ്രൈവറെ അറസ്റ്റ് ചെയ്തു. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു
