ഇടുക്കി പൂപ്പാറക്ക് സമീപം ബസ് അപകടം; അപകടത്തില്‍പ്പെട്ടത് തമിഴ്നാട്ടില് നിന്നെത്തിയ ടൂറിസ്റ്റുകള്‍ സഞ്ചരിച്ച വാഹനം
ഇടുക്കി: പൂപ്പാറക്ക് സമീപം മിനി ബസ് അപകടത്തില്‍പ്പെട്ടു. തമിഴ്നാട്ടില് നിന്നെത്തിയ ടൂറിസ്റ്റുകള്‍ സഞ്ചരിച്ചിരുന്ന വാഹനമാണ് അപകടത്തില്‍പ്പെട്ടത്. മുൻപ് നിരവധി വാഹനങ്ങള്‍ അപകടത്തില്‍പ്പെട്ടിട്ടുള്ള വളവിലാണ് ബസ് അപകടത്തില്‍പ്പെട്ടത്. തമിഴ്നാട്ടിലെ തിരുനെല്‍വേലിയില്‍ നിന്ന് മൂന്നാറിലേക്ക് എത്തിയവരുടെ വാഹനമാണ് അപകടത്തില്‍പ്പെട്ടത്.
വ്യാഴാഴ്ച രാവിലെയാണ് അപകടമുണ്ടായത്. പൂപ്പാറ തൊണ്ടിമലയ്ക്ക് സമീപമുള്ള വളവില്‍ നിയന്ത്രണം നഷ്ട്ടപ്പെട്ട വാഹനം സമീപത്തെ ഇലക്‌ട്രിക് പോസ്റ്റില്‍ ഇടിച്ച്‌ നില്‍ക്കുകയായിരുന്നു. അപകടത്തില്‍ മുഖത്തിന് പരിക്കേറ്റ ഒരാളെ സമീപത്തെ സ്വകാര്യ ആശുപത്രിയില്‍ പ്രവേശിപ്പിച്ചു. 25 പേര്‍ അടങ്ങുന്ന സംഘമാണ് വാഹനത്തില്‍ ഉണ്ടായിരുന്നത്. തമിഴ്നാട്ടില് നിന്ന് മൂന്ന് വാഹനങ്ങളിലായി എത്തിയവരുടെ സംഘത്തിലെ ഒരു വാഹനമാണ് അപകടത്തില്‍പ്പെട്ടത്. പ്രദേശത്ത് നിരവധി വാഹനങ്ങളാണ് തുടര്‍ച്ചയായി അപകടത്തില്‍പ്പെടുന്നത്. ശാന്തൻപാറ പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു. വൈദ്യുതി ബന്ധം പുനഃസ്ഥാപിക്കാനുള്ള നടപടികള്‍ കെഎസ്‌ഇബി ആരംഭിച്ചു.
